العظيم تاج راسنا
حبيبنا طلعت والشعب العظيم اللي كان في ضهره..
في 1907 مرت مصر بأزمة اقتصادية جامدة
استغلت فيها البنوك الديون اللي ع الفلاحين واضطرتهم يبيعو أراضيهم عشان يسددوها
ومن السنة دي بدأ طلعت حرب يكتب
ف الصحف ويحمس المصريين إنه ضروري يتعمل بنك مصري بفلوس مصريين بس ويكون لمصر كلها
وف 1920 كملت الفكرة واتعمل البنك
بأسهم اتطرحت للمصريين بس بدأت ب 4ج وبقى يشتغل بموظفين مصريين بس
البنك كنش للتسليف بس..لكن لتحرير
اقتصاد وكرامة مصر نفسها فأسس مشروعات توفر للمصريين منتجاتهم وكمان تجيبلهم دخل يحميهم
من بريطانيا
واختار العظيم طلعت حرب مشروعات
مرتبطة بزراعة مصر وأولوياتها ويجيب دخل زي الغزل والسكر والسياحة والتأمين والطيران
وكمان عمل صناعة السيما اللي كان
برضو مسيطر عليها أجانب وبعد ما عمل استوديو مصر بقت مصدر دخل جامد للمحروسة
لاحظو إن طلعت حرب عمل البنك وكل
الشركات والصناعات الضخمة دي بفلوس وإيدين المصريين
من غير قروض كمان
وبريطانيا طابقة ع نفسنا.. لكن ولا
همنا
خبر إعلان انشاء بنك مصر ف الأهرام
كان فرحتنا بتأسيسه بفلوس وإيدين
مصريين بس زي فرحتنا بقناة السويس دلوقت
واتعمل ف وقت قياسي واتعلن بعد سنة
من ثورة19 زي ما القناة جت بعد30 يونيو..إحساسنا بجرح كرامتنا قوّانا
بريطانيا قدرتش تتحرك لأن البلد بعد
ثورة19 كانت بتغلي وكانت بتراهن ع إن المصريين هيفشلو في تشغيل البنك
لكن اللي حصل اننا نجحنا..واشتغل
البنك وبدأ طلعت حرب بمشروعات تحرر الشعب وفكره من إدارة بريطانيا وبدأ بعمل المطبعة علشان تبقى حرة في نشر الكتب اللي تقوي المقاومة الوطنية.
وبعدها وشركات مصر لمستحضرات الطبية والزيوت
والاسمنت والمحاجر والكيماويات والفنادق وعمل شركة بيع المصنوعات وغيرها ياما وكله
صناعات تقيلة
تاني
كل ده كان بفلوس مصرية بس.. ومن غير
قروض
كل ده وكانت بريطانيا بتحتلنا
لكن لما حبينا نصبر ونحط قرش جنب
قرش.. عملنا وفزنا
إحساس المصريين بإن البنك بنكهم والمشاريع
مشاريعهم شجعهم يحوشو ف البنك ويهدو كلمة بريطانيا بإن المصريين يعرفوش غير الاستدانة!
و طلعت حرب والبنك شجعو المصريين
ع ده.. حتى العيال ف المدارس وزعو عليهم حصالات عشان يحوشو ويفتح دفتر توفير
بس التوفير وحده مش كفاية..كان في
حماسة ان المصريين يشترو منتجات مصانعهم وإلا هتخسر قصاد مصانع الانجليز
نجاح بنك مصر ومشروعاته القومية في
تحرير مصر لحد كبير من هيمنة بريطانيا شجع دول عربية تستفيد من خبراته عشان تتحرر هي
كمان
في1936 زار طلعت حرب الحجاز وساهم
ف استكمال مستشفي جدة ومكة وتأسيس الإسعاف ف مكة واستقرار العملة اللي كانت مضطربة
كمان راح السودان والعراق وأسس بنك
مصر-سوريا-لبنان واتوسع في إنه عمل بنك مصر-فرنسا في باريس
 |
| قايمة بالشركات اللي عملها طلعت حرب لتحدي بريطانيا |
ومن بعده البنك عمل شركات تاني
شايفين أسامي شركات طلعت حرب كلها
مصري
كان بيحرر البلد اقتصاد وهوية
ياريت اللي شغالين يسمو شركاتنا بالأجنبي
يفوقو
معجزة طلعت حرب والشعب العظيم ف
تحدي بريطانيا وعمل صناعة وطنية ضخمة بفلوسنا تثبت اننا شعب مش قابل للهزيمة.. لو نوى
ووعى
قال طلعت حرب ان هدفه من استوديو
مصر "اننا نعل بقوة اعتقادية وهي أن السينما صرح عصري للتعليم لا غنى لمصر عن
استخدامه في إرشاد سواد الناس"
ولو كنا كملنا ف نفس اللي كان طلعت حرب عايزه من البنك والصناعات والسيما ما كنا احتجنا كل الجامعات ولا القروض دي
بس في درس تاني يوجع..وهي ان الشعب
لازم كمان يفضل ف ضهر قيادته المخلصة ويغفلش عنها، لأنه لما غفل عن طلعت حرب ضيعه
بريطانيا استغلت الكساد اللي حصل
ف الحرب ع اللي خلى الناس تسحب ودايعها وضغطت ع البنك الأهلي ما يسلفش طلعت حرب
كان محافظ البنك الأهلي إنجليزي..فراح طلعت حرب لريس الحكومة حسين سري عشان الحكومة تتدخل فاشترط ع طلعت انه يستقيل!
وكان ده بسبب خصومات سياسية..فقبل
العظيم طلعت حرب وقال "مدام في تركي حياة للبنك فلأذهب أنا وليعيش البنك"
معرفش ليه طلعت حرب ما صارحش الشعب
وطلبش منه يتدخل ف الموضوع! ومعرفش ليه الشعب ما انتفضش عشان يخليه ف منصبه!
معرفش دي غلطة شنيعة م الشعب ولا
غفلة ولا؟
خصوصا ان الشعب لو عرف الظروف بيقف
جنب زعيمه زي ما عمل مع ناصر بعد النكسة
اللي واضحلي لحد دلوقت ان طلعت حرب استسهل التضحية والاستقالة بدل ما يستقوى بالشعب
والشعب ما وقفش كما يجب برضو معاه
ويبقى اننا نفتكر علطول ويتحفر جوانا
ان معجزة طلعت حرب والشعب بحلوها ومرها
ف بناء مصر تعلمنا إننا قادرين ننجح.. بس نحاسب من الغفلة
عن بعض.. شعب وقيادة
وده عملناه آلاف المرات قبل المعجزة دي.. وعملناها بعد طلعت حرب كتير، لحد المعجزة اللي احنا فيها بعد 30 يونيو وحفر قناة السويس الجديدة، ولسة
ودورنا احنا الأحفاد إننا نحفظ
تعب طلعت حرب وتعب أجدادنا ونحافظ ع الباقي من شركات البنك ونشتري منتجاتها زي بتاعة
الغزل والكتان وخدمات السياحة والطيران الخ
عاش أجدادنا العظما في الفكر والقلب ليوم الدين
2 التعليقات:
بارك الله فيكي واكتر من امثالك ابنتي العزيزه
موضوع جميل جدا
اتمني ان تنشطي المتابعه وشكرا لكي
ألف كتر خيرك يا أ. محمد، يارب يستحق وقتك
إرسال تعليق