مدارس اللاجئين.. بوابة الإخوان والشيعة لإعادة احتلال مصر

عمل مدارس للاجئين سورية أو ليبية إلخ في مصر خطر كبير، وهيجب وراه عمل جامعات وفضائيات وجرانين وروابط توصل لدرجة أحزاب، وفي الآخر يعملو نفسهم أقلية و(جزء) من المجتمع يطالب ب"حقوق" و"امتيازات" في كل المجالات، والأمم المتحدة ودول كتير جاهزة واقفة ع رجل ف انتظار اللحظة دي

أولا بيفضح خطر عمل مدارس للاجئين في مصر عن نفسه في إن اللي نشرها جماعة الإخوان اللي من سوريا (وأكيد بدعم إخواني في مصر) وده تحت ظل احتلال الإخوان لمصر عام 2012

في عام 2012 نشر موقع "عكس السير" وهو تبع خونة سوريا إن "الثوار" عملو مدرسة سورية في عمارة بمدينة 6 أكتوبر، يعني كتحايل على الدولة عشان حدش يقول مدرسة كاملة وكدة

http://www.aksalser.com/?page=view_articles&id=4d954fa283b75454f7677895d8b7abad

ولاحظو الموقع قال إن المدرسة بيشارك ف تمويلها "أثرياء الخليج" وغالبا هما إخوان خلايجة أو إخوان عايشين في الخليج.. وده جزء من إجابة سؤال ناس كتير عن إن اللاجئين بيجيبو منين الفلوس دي كلها يشترو بيها محلات ومصانع ويعملو مدارس إلخ وعايشين في البلد أحسن من أهلها

وانتبهو إنهم في التقرير اللي نقله الموقع- حسب كلامه- عن وكالة الأناضول التركية فاللي عملو المدرسة دي كانو هياخدو اعتراف الأمم المتحدة بيها، وحط تحت دي ألف خط لأنه لو حصل هيكتف مصر بالتزامات كتير ناتجة عن اتفاقيات دولية ممكن تجبرها بإعطائها وإعطاء خريجيها امتيازات وحقوق مش المفروض كان ياخدوها أصلا.

ولما ناس حذرت من انتشار المدارس دي تحايل الإخوان وعموم اللاجئين عليها وقالو إن دي مجرد سناتر تعليمية، وفجأة اتحولت لمدارس في كذا محافظة!

وحسب ما نشره جرنان "أخبار اليوم" فهما بقو (14 مدرسة) في القاهرة والجيزة (لسة باقي المحافظات) وإن اللي عملو المدارس دي واللي بيدرسو فيها ضد النظام السوري (إخوان وسلفية وعموم خونة سوريا يعني)

والغريب إن جرنان "أخبار اليوم" اللي هو حكومي بيشجع المدارس دي ويرحب بيها بدل ما يحذر من خطرها!

http://m.akhbarelyom.com/article/570485c29e78736767b9bb43/%D8%A7%D9%84%D9%85%D8%AF%D8%A7%D8%B1%D8%B3-%D8%A7%D9%84%D8%B3%D9%88%D8%B1%D9%8A%D8%A9-%D9%81%D9%8A-%D9%85%D8%B5%D8%B1-%D8%AA%D8%B1%D8%A8%D9%8A%D8%A9-%D9%88%D8%AA%D8%B9%D9%84%D9%8A%D9%85-%D8%A8%D8%AC%D8%AF-1459914178

يعني قصاد كل مدرسة "مصرية" تابعة للإخوان الحكومة بتاخدها منهم لكسر سمهم بيتفتح قصادها مدارس إخوانية سورية باسم اللاجئين.. وطبعا بينشرو نفس فكر وسم الإخوان.

وبخلاف المدارس السورية الإخوانية في مدارس تبع شيعة إيران وبتدرس للاجئين، وهيطلعو أجيال كلها ضد مصر، بخلاف عمل دولة جوة الدولة

فبرضو في سنة 2012 (السنة الموبوئه) اتكشف مدرسة شيعية بتاخد سوريين وجنسيات تانية!و الله أعلم دلوقت بقو كام مدرسة.

والمدرسة دي كنتش واقفة ع اللاجئين جوة مصر لكن كمان بتستدعي شيعة من برة! عشان نبقى بؤرة دولية للشيعة من ناحية! ويتشكل مذهب في مصر يبقاله قوة كبيرة وضغط بعد سنين قليلة

http://www.elwatannews.com/news/details/725540

والموضوع وقفش بخلع الإخوان، لكن واضح إنه استمر عمل مدارس للشيعة ولاجئين سرا وعلنا بالتحايل عن طريق نشر نفس التعاليم والفكر في جمعيات وحضانات واحتمال الكبير في جلسات سرية في البيوت.

 http://www.elwatannews.com/news/details/725537

واللاجئين شغالين نظام دحلبة التعبان، الأول طلبو تعليم مجاني في مدارسنا لحد ما يرسأو قعدتهم في مصر، وبعد ما اتمكنو عملو سناتر تعليمية بحجة تقوية مستوى ولادهم، وإذ فجأة لقيناها بقت مدارس كاملة!

https://www.facebook.com/permalink.php?id=252954271459137&story_fbid=357644937656736

وبعد ما هياخدو اعتراف الأمم المتحدة بالمدارس غصب عن عين مصر هيعملو جامعات خاصة إخوانجية بقى ولا شيعية براحتهم، وإياك حد ينطق أو يعترض، لأن هتطلع ألف منظمة تحاميلهم ويقولو ده اعتداء على استقلال الجامعات وحريتها الفكرية

وبعد الجامعات هيعملو فضائيات وجرانين ليهم بحجة حماية ثقافتهم، ويمكن نقابات، والروابط اللي عاملينا دلوقت هتتحول لأحزاب ومنظمات بحجة حماية اللي هيمسوها "حقوقهم" في ممارسة العمل السياسي، بما فيها من مظاهرات وانتخابات، وكترة جوازهم بمصريين عشان ياخدو الجنسية والإقامة + نفوذ قوتهم الاقتصادية اللي شكلهوها + دعم الأمم المتحدة والمنظمات المشبوهة ليهم هيساعدهم كتير

واللاجئين بيدحلبو يقولك إحنا بنعمل مدارس لينا عشان نخفف الضغط عن مصر

وده كدب..هما يبعملوها عشان يبقالهم دولتهم الخاصة

واللي مش مستوعب تمكين اللاجئين هيودينا فين يقرا ده عن دول طالبت في 2014 باللي سمتها حقوق وإقامة دايمة ليهم في لبنان!

ولبنان قلق من الطلب لأنه مجرب إنه لما اتمكن لاجئين قبل كدة عملو حروب ف لبنان في السبعينات، ولسة ما فاقش من معارك دم اتسبب فيها لاجئين سوريين في منطقة عرسال في الشهور الأخيرة

http://www.vetogate.com/1331720

وشوف البجاحة.. معنى ده اللاجئين هناك (استقوو) بدول ضد لبنان علشان تضغط عليها لمصلحتهم ضدها

 والدور ع مصر!

في ناس بتقول وإيه يعني ما مصر فيها إخوان وشيعة من زمان.. آه عندنا إخوان وشيعة من زمان لكن ليه استورد عليهم أضعاف عددهم من الشيعة والإخوان وغيرهم من إرهابيين  فيزيدو قوة ونفوذ وتأثير وإرهاب في مصر؟

وبالنسبة للي يقول اطمنو اللاجئين مش هيعملو حاجة لأن مصر مش بتتأثر بفكر أجنبي، نقوله أومال الإخوان والسلفيين والإرهاب اللي اتشدله أعداد رهيبة دول فكر إيه؟

وعلى فكرة.. ولو الفاطميين استمرو في احتلال مصر كنا بقينا شيعة رسمي.. لأنهم كانو هينشرو مذهبهم بكل طريقة

ونفتكر.. مصر عمرها وهي قوية ما بتقع بضربة عسكرية من برة، في أغلب الأوقات بتنتصر فيها، وحتى لما بيحصلها زي اللي حصل في نكسة 1967 بتقوم بسرعة البرق وتطرد الاحتلال بسرعة عمر ما دولة تقدر تعملها زيها

عشان كدة مصر طول تاريخها لما بتقع الوقعة الكبيرة والاحتلال الطويل بيبقى بتوطين هجرات أجنبية على شكل لاجئين أو عمالة أو تجار أو أسرى، وبيتوطنو لحد ما بيبقو قوة وياخدو مناصب ويستقوو بدول أجنبية، وفي لحظة ضعف لمصر بيضربوها ويحتلوها

وحصلت بتوطين الهكسوس الشوام أيام أمنمحات التالت وانتهت باحتلالهم لينا، توطين قبائل شعوب البحر والليبيين أيام رمسيس التالت وانتهت باحتلال، وتوطين الإغريق أيام بسماتيك وانتهت باحتلال ورا احتلال إلخ إلخ لحد توطين شوام ويونان ومالطيين ومغاربة في القرن 19 وانتهت بالاحتلال البريطاني

#توطين_اللاجئين_خطيئة