بخوازيق قانونية.. إزاي بيلهف "المصريين بالورقة" مناصب البرلمان والحكومة؟

بقلم: إفتكار السيد (نفرتاري أحمس)

اتفاجئ كتير من المصريين بخبر ترشيح واحد اتقال إنه من عيلة منسوبة لفلسطين في انتخابات مجلس النواب اللي هتكون يوم 10-11-2025، على قايمة حزب "مستقبل وطن"، واللي فجَّر في نفوسهم من جديد الخوف من إن بلدهم بتتسرسب من إيديهم للاحتلال الهكسوسي الجديد.

 المفاجئة مكنتش بس إن المترشح أكرم شعت منسوب لعيلة أجنبية، لكن لكذا سبب تاني:

♦  في حشد من صفحات وحسابات فلسطينية على الإنترنت بتعمله دعاية وتطلب من الناس إنها ترشحه، يعني بيستقوو بيه جوة البرلمان، ومستنيين إنه يكون مندوب للفلسطينيين في البرلمان، ويكيف القوانين اللي هيطلعها حسب مقاسهم ومصالحهم، ومنها مثلا صفحة "مصريون عالقون في غزة"، وكلمة مصريون هنا مقصود بيها الفلسطينيين اللي واخدين الجنسية المصرية مش بس المصريين الطبيعيين.

وفي واحد من اللي بيكتبو فيها اسمه محمد شعت قال وهو بيعمل دعاية لأكرم شعت في رد على أسئلة الناس إنه أكرم "مصري من أصل فلسطيني".

♦ إنه مترشح على قايمة حزب "مستقبل وطن" اللي ليه نفوذ مالي وسياسي كبير قوي، يعني مرضي عن ترشيحه من كتير دواير صنع القرار في البلد، وسهل يفوز لأن له ضهر جامد.

♦ إنه معنى ده، إنه مقبول يدخل في البرلمان اللي في إيده روح ومصير المصريين بالقوانين اللي بيطلعها، مجنسين وناس مصرية بالاسم ولسة معتبرة نفسها تبع بلاد أجنبية جت منها هي أو أجدادها.

رابط المنشور على صفحة "مصريون عالقون في غزة"

 

 ♦ إنه أكرم شعت بيشرف على جمع السلع من السوق، في عز ما المصريين في أزمة اقتصادية تخنق، وبيوديها لغزة، زي ما صفحة اسمها "الوعي الوطني" نشرت إنه ورا شاحنات طلعت من قرية تطون تبع مركز أطسا في الفيوم، اللي مترشح عنها أكرم شعت، وده يخلينا نعيد النظر في مين بيقف ورا حملات التبرعات لغزة اللي بتطلع من القرى.

رابط المنشور عن مساعدات رتبها أكرم شعت لغزة

 

 ♦ كمان الناس سألت باستغراب، إزاي واحد مجنس يترشح للبرلمان؟ خصوصا إن المفروض من شروط الترشيح إنه يقدم موقفه من التجنيد؟!

هو أنا لسة معرفش هو أكرم شعت ده واخد هو الجنسية المصرية، ولا منقولة ليه من أبوه مثلا، بس في كل حال، الدستور ومواد قانون الجنسية المصرية وقانون الترشيح للبرلمان، يا خسارة فيهم مواد:

1- بتسمح للأجنبي اللي أخد الجنسية المصرية بنفسه، يعني حتى مش منقولة من أبوه أو جده، إنه يترشح للبرلمان بعد 10 سنين من أخد الجنسية.

2- بتسمح لمزدوج الجنسية إنه يترشح.

وقبل ما نوصل للمواد دي، هنتابع سوا، إزاي الهكسوس القدام والجداد، والناس اللي تبع تيارات عروبية أو يسارية أو عولمية أو دينية، يعني اللي مش بيؤمنو بالدولة المصرية الوطنية ولا بالحدود، نفسهم طوييييل.

ومع إنهم عارفين حساسية منح الجنسية المصرية للأجانب عند المصريين، إلا إنهم وعلى مدة سنين طويلة، قدرو واحدة واحدة يدخلو مادة ورا مادة في القانون والدستور، بقت زي خوازيق وصَّلت المجنسين ومزدوجي الجنسية إنهم يبقو من النواب وأصحاب القرار في البلد، بطريقة اللي يشربك السم نقطة نقطة، وعلى أوقات بعيدة عن بعضها، عشان ما تحسش بيه وما تاخدش احتياطك في إنك تعالج نفسك منه بدري بدري.

● خوازيق قوانين الجنسية المصرية

الخوازيق اتحطت مادة ورا مادة، وكل مادة قديمة بتخدِّم على المادة الجديدة، في إنها تدي حقوق للمجنسين أو مزدوجين الجنسية في حكم البلد.

والخوازيق بدأت من أيام الاحتلال البريطاني- العلوي، خصوصا أيام اللورد كرومر، وكملت بعده، لما اتعمل قانون الجنسية المصرية، وإدو الجنسية لناس وعيلات كانت عايشة وسطنا وهما معتبرين نفسهم مماليك وبدو عربان وأتراك وشوام ومغاربة ويونانيين وأرمن إلخ، من غير ما يهتم إنه فعلا بقو مصريين، ولا منفصلين عن المصريين.

كمان إدوها للي بيتعاونو مع الاحتلال، زي ما كان كرومر بيحب يدي الجنسية المصرية للشوام مثلا.

بس دي مش هنفصّل فيها دلوقت، ليها مقالة تانية، عشان ما نطولش، وممكن اللي عايز تفاصيل عنها يرجع لكتاب "نكبة توطين الهكسوس" ج1، وخلينا دلوقت في القوانين اللي اتعملت من السبعينات ووصلتنا إنه عيلات أجنبية يبقالها نواب في البرلمان أو ناس في الحكومة، حتى لو واخدين الجنسية من قريب أو طازة.

نبدأ بالقانون "رقم 26 لسنة 1975، المعدل بالقانون 154 لسنة 2004 بشأن الجنسية المصرية" (الهايبر لينك هيدخلك على نص القانون كامل) هو اسمه كدة، وكلمة المعدل، معناها انضاف ليه بند جديد ظهر في 2004 هنعرفه دلوقت.

في (المادة 1 والمادة 2) من القانون ده، بتحدد مين هو "المصري"، اللي هناخده منها دلوقت ويهمنا في حكاية ترشيحات البرلمان هو المادة 2:

 (مادة 2)

يكون مصريا :

1- من ولد لأب مصرى، أو لأم مصرية.

البند (1) ده مكنش موجود في القانون لما اتعمل سنة 1975، اللي كانت المادة دي فيه بتقول:

يكون مصريا:

1- من ولد لأب مصري.

أما في القانون اللي بيتسمى القانون المعدل بالقانون 154 لسنة 2004 فانضاف كلمة "أو لأم مصرية".

وإن كان في القانون القديم بتاع 1975 (الهايبر لينك فيه نص القانون القديم كامل) كان مسموح ياخد الجنسية ابن المصرية في حالة:

2- من ولد في مصر من أم مصرية ومن أب مجهول الجنسية أو لا جنسية له.

3- من ولد في مصر من أم مصرية ولم تثبت نسبته لأبيه قانونا.

لكن في القانون بتاع سنة 2004، لم كــــل دول، ووسعها تشمل كل الأحوال، لما قال "من ولد لأب مصري، أو أم مصرية".

القانون ده كان عليه اعتراضات كبيرة قوي وقتها، وأنا ساعتها فاكرة إنه كان ناس تقول إزاي يعني يبقى مصري اللي أبوه أجنبي، وده هيفتح الباب يشجع المصريات يتجوزو أجانب، ويحمل مصر تكاليف ومسئولية أولاد الأجانب اللي هييجو يتجوزو بناتنا وبعدين يطلقوهم ويرمولنا عيالهم، أو إن العيال دي هتبقى وسطينا لكن هي ناسبة نفسها لبلد أبوها مش أمها، فيبقو خطر علينا إلخ.

إلا إنه في نفس الوقت كان في ناس تانية بتنشر تطمينات، هنشوف إنها طلعت بعدين تطمينات كدابة، زي إنه ما تقلقوش، ابن المصرية من أجنبي مش هياخد الجنسية غير لما وزارة الداخلية تفحص الموضوع، وهي اللي تدي الإذن، ومش هيبقى الحكاية عمياني.

بس إيه اللي حصل؟

الأول فعلا وزارة الداخلية مكنتش بتدي الجنسية المصرية لولاد الأجنبي من مصرية عمال على بطال، وكتير قوي من الفلسطينيين وغيرهم كان بيترفض طلب تجنيس عيالهم من مصريات، ومش كل اللي قدم على الجنسية خدها، الكلام ده فضل لحد سنة 2014.

إيه بقى حصل بعد 2014؟

اتعمل تعديل للدستور، واتحشرت فيه (المادة 6) اللي بتقول:

الجنسية حق لمن يولد لأب مصري أو لأم مصرية، والاعتراف القانوني به، ومنحه أوراقا رسمية تثبت بياناته الشخصية، حتى يكفله القانون أو ينظمه. ويحدد القانون شروط اكتساب الجنسية".

معنى ده إنه المولود من مصرية متجوزة أجنبي يبقى مصري باعتباره "حق دستوري" ليه، واتسحب من وزارة الداخلية السلطة الحقيقية في إنها ترفض تديه الجنسية المصرية.

وشفنا ده بيحصل فعلا.

فمثلا اللي اتسمى التعديل الدستوري ده اتعمل في شهر 1 سنة 2014، في يوم 21-12-2014، يعني في نفس السنة، حكمت محكمة القضاء الإداري بإن وزارة الداخلية ملزومة إنه تدي الجنسية المصرية للفلسطينيين من أم مصرية، وده في حكم خاص بقضية تخص فلسطينيين من أم مصرية الوزارة رفضت تديهم الجنسية، فاتحولت القضية للمحكمة يشكو وزارة الداخلية، وبسبب المادة الدستورية الجديدة دي، المحكمة شالت إيد وزارة الداخلية من الموضوع.

وقالت في الحيثيات اللي نشرها موقع اليوم السابع تحت عنوان "القضاء الإداري يلزم الداخلية بمنح الجنسية للفلسطينيين من أم مصرية" إنه "قرار وزير الداخلية بتأجيل منح الجنسية لهم، يمثل إخلالا لمبدأ المساواة بين المصريات، بسبب يرجع إلى جنسية الزوج".

 وإنه "على وزارة الداخلية أن توازن بين أمرين، الحق الدستورى لمن ولد لأم مصرية بالتمتع بجنسية مصر، وبين دورها فى المحافظة على الأمن القومى، بما قد تتخذه من إجراءات لضمانه، بعد منح الجنسية احتراما للقانون".

يعني بتقول للوزارة، التزمي بالدستور وإديهم الجنسية، وبعدين اتصرفي، زي تراقبيهم، أو لو طلع منهم خطر تسحبي الجنسية إلخ، وطبعا ده بيدخل الوزارة في دوامات تانية مكنش ليها لزوم من أصله.

 وفي 19-11-2016 طلع برضو قرار تاني من المحكمة الإدارية باللي اتسمى أحقية الفلسطينيين في أخد جنسية أمهم المصرية، واتنشر الخبر بعنوان: "الإدارية العليا تقضي بأحقية الفلسطينيين أبناء المصريات في التجنس بالمصرية".

وعلَّق واحد فلسطيني على الخبر لما اتنشر على "تويتر" وهو فرحان بكلمة: "كسبناها".

● طوفان قرارت منح الجنسية لأولاد المصرية

وزارة الداخلية واضح إنها فضلت مصرة تحتفظ بدورها في إنها ترفض تدي الجنسية المصرية للي شايفة إنه ما يستحقهاش أو هيبقى خطر على أمن البلد، ونعرف ده من كذا قضية فضلت جنسيات أجنبية ترفعها ضد الداخلية عشان تاخد الجنسية.

ففي أبريل 2017 حكمت المحكمة الإدارية العليا بمنح الجنسية لأربع إخوات مولودين من أب فلسطيني وأم مصرية، وفي 13 مايو 2017 حكمت بمنح الجنسية أولاد مصرية متجوزة من يمني.

وفي نفس اليوم حكمت المحكمة بإلغاء قرار وزارة الداخلية بالامتناع عن منح الجنسية المصرية لـ 3 أبناء من زوجها الفلسطيني، وهي واحدة ساكنة في شمال سيناء؛ يعني في مكان هو أخطر ما يكون إنه يسكن فيه الفلسطينيين، وكمان يتصرفو ويتملكو ويتوظفو تحت بند إنه معاهم الجنسية المصرية.

ودي أمثلة من طوفان لسة شغال.

رابط الخبر

● ترشيح مزدوجي الجنسية للبرلمان

الحكاية وقفت على ده؟ لأ.

المجنسين دول هيدورو على طريقة إنهم يبقى ليهم إيد في الحكم وصناعة القوانين والنفوذ في البلد، وده بيكون من السكك بتاعته البرلمان.

وهنا في مادة في القانون بتاع الجنسية بتاع سنة 1975بتفتحلهم السكة دي، وهي المادة 9:

(مادة 9):

"لا يكون للأجنبي الذى اكتسب الجنسية المصرية طبقا للمواد 3, 4, 6, 7 حق التمتع بمباشرة الحقوق السياسية قبل انقضاء خمس سنوات من تاريخ اكتسابه لهذه الجنسية ، كما لا يجوز انتخابه أو تعيينه عضوا فى أية هيئة نيابية قبل مضى عشر سنوات من التاريخ المذكور.

ومع ذلك يجوز بقرار من رئيس الجمهورية إلاعفاء من القيد الأول أو من القيدين المذكورين معا، ويجوز بقرار من وزير الداخلية أن يعفى من القيد الأول أو من القيدين المذكورين معا من انضم إلى القوات المصرية المحاربة وحارب فى صفوفها، ويعفى من هذين القيدين أفراد الطوائف الدينية المصرية فيما يتعلق بمباشرة حقوقهم فى انتخابات المجالس التى يتبعونها وعضويتهم بها".

يعني اللي أخد الجنسية المصرية ليه إنه يشارك في التصويت في الانتخابات بعد 5 سنين من أخده الجنسية، ويدخل يترشح كمان في الهيئات النيابية بعد 10 سنين، ويجوز باستثنا من رئيس الجمهورية إنه حتى ما يحتاجش يستنى السنين دي.

لكن.. اتصدم اللي عايز يترشح من الناس دي بمادة في قانون مجلس النواب، هي المادة 8، واللي بتمنع مزدوجين الجنسية من إنهم يترشحو لانتخابات المجلس، كمان المحكمة الإدارية سنة 2001 كانت حكمت بمنعهم من الترشيح.

طيب سكتو؟ لأ.

إيه حصل؟ اتصدر في الموضوع الأول مزدوجين الجنسية من اللي أصلا مصريين، يعني اللي هو مصري وأخد جنسية أجنبية، بيساندهم أحزاب وناس تانية من بتوع حقوق الإنسان السداح مداح، والعجيبة إن اللي اتصدرو منهم اللي أصلا مهاجرين، وقاعدين برة، يعني لا يعرفو حال البلد ولا نعرفهم لدرجة يبقو نواب ويترشحو في البرلمان.

ومن دول مايكل منير، اللي مهاجر لأمريكا ومعاه جنسيتها، ورفع قضية كان محاميه فيها عصام الإسلامبولي ببطلان دستورية المادة 8 من قانون مجلس النواب.

واترفعت قضية قصاد المحكمة الدستورية اللي حكمت في 7-3-2015 بإن المادة 8 من قانون مجلس النواب مخالفة لمواد في الدستور بتنص على المساواة وتكافؤ الفرص بين المصريين.

ومنها المادة 9 اللي بتقول "تلتزم الدولة بتحقيق تكافؤ الفرص بين جميع المواطنين دون تمييز منه"، والمادة 53 اللي بتقول إن "المواطنين لدى القانون سواء وهو متساوون فى الحقوق والحريات والواجبات العامة، لا تمييز بينهم بسبب الدين أو العقيدة أو الجنس أو الأصل أو العرق أو اللون أو اللغة أو الإعاقة أو المستوى الاجتماعى أو الانتماء السياسى أو الجغرافى أو لأى سبب آخر".

رابط الخبر

 طيب الحكاية هتقف على المصريين اللي خدو جنسية أجنبية؟

لأ.. الحكاية هيدخل فيها اللي مش مصريين اللي مولودين من أب أجنبي وأم مصرية، أو الأجانب اللي خدو الجنسية المصرية، يعني المتجنسين، ليه؟ لكذا سبب:

1- المادة 102 من الدستور بتقول عن المرشحين لمجلس النواب:

"يشترط في المترشح لعضوية المجلس أن يكون مصريا، متمتعا بحقوقه المدنية والسياسية"، يعني ما اشترطتش يكون مصري أصلا، ولا إن أبوه وأمه مصريين، قالت بس مصري، يعني أي حد معاه الجنسية المصرية، وعدى عليه 10 سنين بعد ما أخدها، خلاص يترشح عادي جدا.

ولو اترفض طلبه، هيروح يرفع قضية وهيكسبها بسهولة لأن مفيش نص في الدستور يشترط إن نايب البرلمان يكون أبوه وأمه وأجداده مصريين.

2- كمان المادة 53 في الدستور بتقول:

"المواطنين لدى القانون سواء وهو متساوون فى الحقوق والحريات والواجبات العامة، لا تمييز بينهم بسبب الدين أو العقيدة أو الجنس أو الأصل أو العرق أو اللون أو اللغة أو الإعاقة أو المستوى الاجتماعى أو الانتماء السياسى أو الجغرافى أو لأى سبب آخر".

وهنا كلمة مفيش تمييز بينهم بسبب "الأصل أو العرق" معناه مسموح لأي حد من أي بلد أجنبي يترشح، مدام معاه ورقة الجنسية المصرية.

3- المحكمة الدستورية في حيثيات الحكم اللي سمحت فيه سنة 2015 لمزدوجي الجنسية يترشحو جابت سيرة أولاد المصرية من أجنبي، لما قالت ما يصحش نمنع مزدوجين الجنسية من الترشح على أساس الشك في ولائهم، وإنه مثلا المادة 6 من الدستور خلت الجنسية المصرية حق للي أبوه أو أمه مصريين، وإنه "لا يجوز بأي حال أن يوصم هؤلاء الأولاد بتعدد الولاء، ولا يمكن أن يكون هذا سندا لحرمانهم من حقهم في الترشح لمجلس النواب رغم ثبوت حقهم في الانتخاب".

4- وأما بخصوص إن الناس بتسأل طيب مش النايب المفروض يقدم موقفه من التجنيد، فدي ممكن تعدي بإنه ياخد "إعفا" من التجنيد، على أساس إن الجيش أوقات كتير بيدي إعفا لمزدوجي الجنسية، أو اللي واحد من والديهم مش مصري، فمش هيغلبو يعني.

وبكدة يبقى بكل سهولة أخدو حق المصري اللي هو مصري وبس، وراح التجنيد.

● خلاصة كل اللي فات:

إحنا اتاخد مننا سيادتنا على قراراتنا في طبخة اتعملت على نار هادية:

♦ في وقت الاحتلال الإنجليزي العلوي اتفصلت لأول مرة قوانين الجنسية المصرية، وإدتها لكتير من اللي ما يستحقوهاش لمجرد إنهم منهم أو تبعهم، وهيبقو معاهم ضد المصريين الحقيقيين، ودول كتير منهم لسة عايش بقلب أجنبي لدلوقت.

♦  في 2004عملو كل الحيل لحد ما طلعو قانون يدي الجنسية المصرية للأجانب أولاد الأجنبي من مصرية، ده بخلاف المواد القديمة بتاعة منح الجنسية للأجنبية مرات المصري، أو للي اتولد في مصر وعاش فيها لحد سن الرشد، أو الأجنبي اللي عاش فيها 10 سنين إلخ.

♦  في 2014 عملو كل الحيل لحد ما حشرو المادة دي في الدستور،وبقت المادة (6) فيه، عشان يقطعو الطريق على وزارة الداخلية اللي كانت بترفض تديها أوقات لأسباب أمنية، فبقت الداخلية وكل الدولة مجبرة تديها لأولاد أي أجنبي من مصرية، ومن غير استثناء أي جنسية.

♦ في نفس "الدستور المعدل" 2014 ما اتحطش شرط إن النائب يكون جنسيته مصرية بس، من غير ما يبقى في ازدواج جنسية، وما اتحطش شرط إنه يكون من أبوين وأجداد مصريين مثلا، فاتسابت مفتوحة، وإنه بس يبقى "مصري" بغض النظر مصري وبس ولا مزدوج ولا مجنس.

♦ في 2015 اترفعت قضية قصاد المحكمة الدستورية ضد قانون مجلس النواب اللي بيمنع ترشيح المزدوجين الجنسية بحجة إنها مادة مش دستورية، وفيها "تمييز" بين المصريين، وفعلا حكمت المحكمة ببطلان المادة 8 اللي بتمنعهم.

واللي نستفيده من ده، إنه لو إحنا متمسكين بخطوط حمرا، ما تتغيرش أبدا، في الدستور، توفق كل القوانين بتاعتنا على عقيدة "مصر للمصريين"، واللي تحصر مناصب الحكومة والبرلمان والمؤسسات الدينية إلخ للمصري من الجدود مش المجنس ولا مزدوج الجنسية،  مكنش أبدا يقدر بتوع عقيدة "مصر للجميع" يلاقو أي حجج، أو حيل، يلاعبونا بيها عشان يغيرو القوانين حسب مقاسهم هما كل شوية.

 ● طوفان الهكسوس وتجربة العراق

 ولو أخدنا بالنا من العدد الكبير من المصريين اللي بيسافرو برة وياخدو جنسيات أجنبية، أو يتجوزو أجانب وعيالهم أو مرتاتهم تاخد  الجنسية المصرية، أو كمان بلوة قانون بيع الجنسية المصرية اللي اتعمل في 2018 و2019، وغيرها من مواد توزيع الجنسية المصرية، وملايين الأجانب اللي موجودين دلوقت في مصر وناويين يبلطو وياخدو الجنسية، هنعرف الطوفان اللي جاي على مصر من المجنسين اللي هيتحكم في كل فتفوتة في البلد.

ولو أخدنا بالنا من كمية النواب والمسئولين ورجال أعمال إلخ اللي بينسبو نفسهم لبلاد وثقافات أجنبية، مع إنه اسمهم مصريين، ودورهم في تأييد دخول ملايين الأجانب لمصر وتوطينهم، وتفصيل قوانين بيع الجنسية المصرية والأراضي المصرية وتفصيل  امتيازات تسلم حقوق المصريين للهكسوس الجداد.

وإزاي قسوة قلبهم وهما بيصعبو قوانين الإيجارات على المصريين في الوقت اللي بيسهلو تسكين الأجانب، ويصعبو دخول عيالنا الجامعات في الوقت اللي بيسهلوها للأجانب، وبيسحبو من عروقنا السلع ويودوها لغزة وغيرها باسم مساعدات، في الوقت اللي بيغلو علينا الأسعار ويجبرونا نقلل أو نقطع الخلفة، هنعرف إيه الخطر الأكبر اللي جاي لما دول يزيد عددهم بالمجنسين والمزدوجين الجداد.

ودي نفس اللعبة اللي اتلعبت مع مصر أيام الاحتلال الإنجليزي والعلوي، وقت اللورد كرومر واللي بعده، لما إدو الجنسية المصرية لناس وعيلات مش مصرية عشان تاخدها حجة تفضل تتحكم في مصر.

كمان هي دي تقريبا نفس اللعبة اللي حصلت في العراق، وكان الغزو العسكري مجرد آخر سطر فيها؛ لأنه لو نتابع هنعرف إن أكترية اللي بيحكمو العراق بعد ما وقع نظام الحكم العراقي وصدام حسين في 2003 كانو من المجنسين أو معاهم جنسيات أجنبية بيتحامو فيها، وتساعدهم على الهروب من المحاكمات في قضايا الفساد أو الخيانة أو أي تهم يتعرضو ليها.

وإحنا شايفين إيه حاصل للعراق، صاحب الحضارة العظيمة، من انقسامات، وصراعات طائفية، وفساد فوق الوصف، وضياع كتير من آثار العراق، ونهب ثروته، وتشريد كتير من أهله، وتحكم إيران وتركيا ودول الخليج وأمريكا وإسرائيل فيه.

رابط لتقرير عراقي عن المشاكل من ورا المسئولين والنواب مزدوجين الجنسية

 ● الخطر على الجيش والداخلية

ولو افتكرنا إن البرلمان ما يقلش خطوة عن الجيش والداخلية، بالعكس هو أخطر، لأن الجيش والداخلية مش هما اللي بيعملو القوانين اللي بتتحكم في اقتصادنا وتعليمنا وإعلامنا وثقافتنا وهويتنا وأكلنا وشربنا ووظايفنا وعلاجنا ومصير إيجار أو ملكية بيوتنا وأراضينا وجنسيتنا وجواز عيالنا، ولا اللي بتسهل أو تصعب حياتنا، كل ده بيطلع من البرلمان وبقية الحكومة.

فإن كان بيتحط شروط إن اللي يبقى ظابط في الجيش يبقى مصري من جدود الجدود، فالواجب ده يتطبق كمان بقية مناصب الحكومة والبرلمان وكل اللي متحكمين في الإعلام والتعليم والاقتصاد والثقافة والمؤسسات الدينية، لأن لو دول اتسلمو للمجنسين والمصريين بالورقة بس، معناها هما برضو اللي هيتحكمو بكرة وبعده في الجيش والداخلية، ويغيرو قوانينهم ويدخلو فيهم الهكسوس المستخبيين في الجنسية المصرية.

 ودايما النجاة في إنه تكون مصر للمصريين، المصريين الحقيقيين، مش المصريين بورقة الجنسية، وقلوبهم وعقولهم مع بلاد وتنظيمات برانية.

من تصميمي، ماعت (عقيدة مصر الأصلية ودستورها) في قلب العلم

بقلم: إفتكار السيد (نفرتاري أحمس) التلات 21-10-2025

 المقالة مسموعة على قناة كيمة والخاسوت

 

 ---------------

● مواضيع ليها صلة:

 

باللاجئين الأثيوبيين.. رفع علم وهوية أثيوبيافي مصر

الغزو..إيه عملت الهجرات في مصر زمان؟ معلوماتع السريع

الاحتلال الفلسطيني لمصر على الطريقة اليهودية

 

 

 

 

تصنيف : أثر الهكسوس على هوية مصر,أخبار الهكسوس,أعداء الهوية المصرية,تاريخنا بعين فلاح