بيعرض التقرير معلومات مهمة لقيتها في دراسة اتنتشرت في مجلة كلية الآداب جامعة الفيوم، بخصوص واحد من الكيانات العرقية الدخيلة الخبيثة اللي بقت تطل علينا براسها في السنين الآخرانية.
ورغم إنه كيان مش كتير يعرفوه، لكن عنده خطة كاملة لنشر البدونة في مصر من ساسها لراسها، وحط البدو فوق المصريين في كل مجال، رغم احتفاظ البدو ببداوتهم، وبانتماءات أجنبية، ورفضهم يكونو مصريين وبس.
ولأن التقرير طويل قسمته لعناوين، عشان النقطة اللي عايز تقراها علطول تدوس على العنوان بتاعها وتوصله علطول، ولو وقفت في القراية قبل ما تكمل التقرير، ممكن بالساهل ترجع لمكان ما وقفت في أي وقت من العناوين.
محتوى التقرير
• إجابة للأسئلة الصعبة اللي حيرتنا
• عناكب بدوية بتطلع ورا بعض
• منظمة قَبلية متعددة الانتماءات عابرة للحدود
• تعريف الاتحاد القبلي لنفسه
• الفرق بين اتحاد القبايل ومجلس شئون القبايل أيام حرب الاستنزاف
• رسالة الاتحاد.. تمكين البدو بتنظيم متعدد الجنسيات والانتماءات الأجنبية
• ملحوظة: مين هو الفلاح في مصر، والفرق بينه وبين البدوي؟
• بدونة التراث في مصر، وتضييع موكب المومياوات والكباش
• حل البدو محل الداخلية والقضا، وخطر تسليمهم الحدود
• إزاي اللي ضد الحدود يحمي الحدود؟
• إيه علاقة أهداف اتحاد القبايل بالإرهاب في سينا وبغزة؟
• شروط عضوية الاتحاد.. والصدمة (قيادات من الجيش والشرطة)
• تخريب مخ الدولة، وربط المسئولين بمصالح أجنبية
• المنتفعين من خدمات اتحاد القبايل جوة وبرة
• المتطوعون
• تمويل بتوع القبايل من جوة وبرة
• مجالات عمل اتحادات البدو
• التكويش على الأندية الرياضية وعمل أندية عرقية
• نصباية "الفئات الأكثر احتياجا"
• البدو واستغلال تغير المناخ
• الإدارة الدولية/الأجنبية لاتحاد القبايل
• شبكة عنكبوت بدوية لإدارة محافظات مصر زي شبكة حسن البنا
• إهانة وإذلال المصرييين وتقديم البدو المنقذ ليهم
• السيطرة على أراضي مصر
• مكاسب وامتيازات خدها اتحاد البدو من الحكومة
• مكاسب خدها اتحاد البدو من القطاع الخاص والمنظمات الدولية
• دراسات في الجامعات بتمدح وجود الاتحادات القبلية
• طمع البدو في حرف مصرية لأول مرة في التاريخ
• السبق على فلوس تكافل وكرامة
• تسهيل حصول البدو على الماجستير والدكتوراة أكتر من المصريين
• الهكسوسي القديم بيستقوى بالهكسوسي الجديد
• تسهيل الحياة الصحية للبدوي أكتر من المصري
• هدف تدريب البدو في دورات حقوق الإنسان
• كل ده في 7 سنين.. إيه هيفضل من مصر للمصريين؟
• قراية في اللي فات.. الهدف الجديد للبدو
• والختام.. سؤال
إجابة للأسئلة الصعبة اللي حيرتنا
ومعلومات التقرير ممكن تساعد ناس كتير محتارين وهما بيدورو على إجابة أسئلة تعباهم، زي:
- ليه مؤسسات الدولة، بما فيها الدرع والسيف، ساكتة قصاد تحويل مصر لبلد أعراق وطوايف؟
- وليه ساكتة قصاد بيع الجنسية المصرية والأراضي المصرية، وتوطين ملايين الأجانب من مختلف الأعراق والطوايف في مص.
- وإيه اللي مخلينا، لأول مرة، نحس بإن اللي بيحكمونا بيكرهونا ومش مننا ونفسهم يبدلونا، رغم إننا كنا فاكرينهم في الأول زينا ومننا.
- وإزاي بيفتحو كل السكك قصاد انتشار ظاهرة الكيانات العرقية الدخيلة اللي خربت كتير من البلاد اللي حوالينا، زي اتحاد القبايل العربية وغيره.
- وليه شوية بشوية بقى يبان إن اللي بيحكمونا دلوقت ما يفرقوش تقريبا في حاجة عن التنظيم الدولي لعصابة حسن البنا.
- وهل صحيح مصر لسة فيها هكسوس قدام وما اتمصروش بحق إلا بورقة الجنسية زي ما كنا بنقول من سنين، وهما اللي رجعو يتحكمو فينا تاني، بس المرة دي بشكل أبشع ألف مرة؟
في التقرير معلومات عن:
• تأسيس وتاريخ الاتحاد العام للقبايل المصرية والعربية (كلمة القبائل المصرية مش مبلوعة أصلا لأن مصر مش بلد قبايل، وما فيهاش قبايل لكن اللي فيها فروع قبايل دخيلة)
• إزاي متغول في كل مجال ومكان في مصر
• إزاي متغول في المناصب
• إزاي مركز أكتر خدماته لبتوع القبايل، أما المصريين فحاططهم على الهامش بخدمات بنسبة أقل لمجرد يتقال عليه إنه بيخدم الكل.
• إزاي مركز على إنه يخلي بتوع القبايل في مكانة وظروف أحسن من المصريين في كل مجال.
• دوره في تشبيك علاقات مع القبايل في البلاد اللي جت منها فروع القبايل دي لمصر، وعمل كيان عرقي عابر للحدود زيه زي تنظيم عصابة حسن البنا.
• إيه نفهم من معلومات الدراسة بخصوص خطته النهائية لمصر ومشروعه ليها إيه، واللي ممكن يتحقق في سنوات قليلة قوي.
عناكب بدوية بتطلع ورا بعض
نبدأ عرض معلومات الدراسة، والتعليق عليها:
نشرت مجلة كلية الآداب جامعة الفيوم، في يناير 2024 دراسة بعنوان "منظمات المجتمع المدني والتنمية المستدامة، دراسة حالة الاتحاد العام للقبائل المصرية والعربية بمصر"، للباحثة ياسمينا السيد محمد محمد.
في الأول كنت فاكراه هو هو "اتحاد القبايل العربية" اللي عمله إبراهيم العرجاني في سينا، واتعلن عليه في شهر 5 سنة 2024، لكن اتفاجئت إنه اتحاد تاني.
وبعد بحث لقيت إنه في كذا اتحاد وكذا مجلس وكذا كيان لفروع القبايل العربية في مصر، وكمان في منهم اللي مشترك معاه في العضوية قبايل في دول تانية، يعني شبكة كبيرة، متعددة الكيانات والجنسيات ومش ملتزمة بحدود، زيهم زي عصابة حسن البنا بالظبط.
والنوع ده من الكيانات العرقية متعددة الجنسيات بيساعد بتوع القبايل ياخدو امتيازات أكتر؛ لأن في كتير منهم هيكونو أعضاء في كذا كيان، ويفردو نفسهم على أكبر مساحة من مصر، لأن ضمن الامتيازات دي السيطرة على مساحات أوسع من الأراضي تحت اسم استخدامها في مشروعات تنمية، ومشروعات تعوضهم عن اللي بيسموه "التهميش"، وده غير الأراضي الكتيرة اللي أخدوها بوضع اليد أو غيره في سنين سابقة، خصوصا في المحافظات اللي قرب الحدود، وبعدين اتعملهم تسهيلات كبيرة من الحكومة عشان يتملكوها بشكل قانوني.
ونخلينا دلوقت في الكيان اللي هو محل الدراسة اللي اتعملت في جامعة الفيوم، والعناوين اللي جاية باللون الأحمر هي عناويني مش عناوين الدراسة؛ لأنه فيها رأي مخالف لرأي الدراسة.
منظمة قَبلية متعددة الانتماءات عابرة للحدود
|
|
شعار للاتحاد منشور على صفحة على فيس بوك بنفس اسم الاتحاد |
وجه في الدراسة: إنه "هو أول منظمة قبلية في مصر تعمل في مجال التنمية"، واعتبرت إن ده "ظاهرة إيجابية في حد ذاتها، فهو مؤشر على اندماج القبائل بشكل واضح في النسيج الوطني"، في نفس الوقت قالت إنه مع "اهتمامه بمشاكل المجتمع الأكبر" فهو "يتبني الفكر التنموي المنظم لمساعدة أبناء القبائل، وغيرهم من المواطنين (ص 306).
يعني بتوع القبايل عنده هما نمرة (1)، وأي خدمات تتقدم للمصريين الأبريا من القبلية والانتماءات الأجنبية بتكون على الهامش، أو من باب تقديم الكيان القبلي نفسه على إنه وطني وإيده ممدوة للكل، أو صاحب فضل على المصريين، رغم إنه شغال بفلوسهم وفي أرضهم ومن تعبهم.
اعتمدت الدراسة في المعلومات اللي قدمتها عن اللي بيتسمى الاتحاد العام للقبائل المصرية والعربية وأهدافه وتكوينه وأنشطته وتمويله وأعضاؤه على مقابلات مع رئيس الاتحاد، ومسئولين وأعضاء ومستفيدين من خدماته ومشاريعه، وعمل استبيانات في وسط المستفيدين (276 واحد) في كذا محافظة، هي القاهرة، دمياط، سيناء، المنوفية، قنا، وقراية وثايق وسجلات نشأة الاتحاد. (ص 332- 334 من الدراسة)
نلاحظ هنا إن أنشطة الاتحاد مش في المحافظات الحدودية بس، لكن النشاط القبلي، ورسم الملامح القبلية على وش مصر بقى يتغلغل في بقية المحافظات، ولحد العاصمة القاهرة نفسها.
تعريف الاتحاد القبلي لنفسه
ونقلت الدراسة عن اللايحة الخاصة بالنظام الأساسي للاتحاد تعريفه لنفسه بإنه:
"الاتحاد كيان اجتماعي خدمي تنموي، لا علاقة له بالأحزاب ولا بالعمل السياسي، ويهدف إلى تنمية المناطق النائية، والعمل على زيادة انتماء أهلها للوطن، ووضع الحضارة والمدنية مكان القبلية، والاصطفاف بجانب الدولة، والمرور بها من الأزمات للرفاهية والسلام". (ص 307)
لكن الكلام عن "وضع الحضارة والمدنية مكان القبلية، والاصطفاف بجانب الدولة" هيتنسف بالأهداف اللي حاططها الاتحاد لنفسه، وخصوصا كلامه عن تعزيز هوية القبايل، وربط بتوع القبايل المستوطنين في مصر بالقبايل اللي هما تبعها برة مصر.
وعن نشأته قالت:
"يعد الاتحاد العام للقبائل المصرية والعربية ثان كيان رسمي للقبائل المصرية بعد مجلس شؤون القبائل المصرية الذي أنشأه الزعيم جمال عبد الناصر في عام 1968، تحت إشراف المخابرات المصرية، وكان همزة الوصل بين القيادات العسكرية المصرية وأبنائها في سيناء طوال حرب الاستنزاف، حيث لم يكن هناك أقمار اصطناعية، أو رادارات، أو وسائل اتصال يمكن الاعتماد عليها، وفي تلك الفترة قدم أبناء القبائل في سيناء، نساء ورجال وأطفال، العديد من البطولات في خدمة الوطن". (ص 308)
الفرق بين اتحاد القبايل ومجلس شئون القبايل أيام حرب الاستنزاف
تعليق:
في الجزء ده نلاحظ إنه الاتحاد بيحاول يعمل لنفسه تبرير لوجوده وتاريخ، ويقول إنه زي مجلس شئون القبايل اللي عملته الدولة أيام حرب الاستنزاف، لكن طبعا مفيش شبه بين الاتنين، لأن الحكومة أيام حرب الاستنزاف عملت مجلس لشئون القبايل تحت إشراف المخابرات عشان تتواصل مع بتوع القبايل المتفرقة والمتشتتة والمختلفة عن بعضها أصلا في سينا، اللي كان كتير منهم، إن مكنش أكترهم وقتها مالوش أوراق، ولا له تسجيل في الحكومة، ولا معروف عنه حاجة، لأنه بدو بيعدو بين الحدود ويتغيرو كل شوية، ومكنتش الحكومة وقتها عايزة تسيبهم منهم لليهود بعد ما سيطر اليهود على سينا.
وكان مجلس شئون القبايل زي إدارة تابعة للحكومة تدير شأن من الشئون، مش كيان عرقي مستقل عايز يفرض نفسه على مصر وهويتها، زي مثلا ما بيبقى في وزارة الداخلية في بلاد كتير إدارة اسمها إدارة شئون الأجانب أو الجاليات، عشان تسهل جمع معلومات عنهم والتواصل معاهم،لكن مش معناها يبقى الأجانب دول كيان عرقي مستقل، ويجمع صفوفه ويحط نفسه في وش أهل البلد، ويحط خطة إنه يسيطر على البلد، أو حكومات تعمل إدارة للتواصل مع رجال الأعمال أو الشركات إلخ.
كمان اللي بيتسمى "الاتحاد العام للقبائل المصرية والعربية" بيستخدم فكرة مجلس شئون القبائل وحرب الاستنزاف عشان يدي نفسه خلفية وطنية، ويبرر المكاسب اللي بيخطط يستولي عليها في مصر.
ومعلوم إنه أيام حرب الاستنزاف كان في بدو عملو حاجات كويسة ساعدت المخابرات، وأنا نفسي كتبت عن ناس منهم بالأسامي، وحيناهم على دورهم، بس كان المفروض زيهم زي أي مصري طبيعي بيعمل دوره الوطني وخلاص، لكن إنهم يطلبو مكاسب وأتمان، منها إنه يعملو كيان عرقي يستولي على البلد، ويحول مصر لبلد أعراق وطوايف، ويحولها لبلد بدوية أضعف ما فيها هما أهل البلد، يبقى كأنهم بيقولو إن وقفة ناس منهم ضد إسرائيل كان لأسباب تانية خالص غير الوطنية وغير محبة مصر.
ونرجع للمعلومات بتاعة تأسيس الاتحاد..
تأسس "الاتحاد العام للقبائل المصرية والعربية" في 17-5-2017، يعني بعد 3 سنين من الإعلان عن ظهور المجلس المصري لشئون القبائل المصرية اللي ظهر في 2014، وده كيان قبلي تاني سبقه في الظهور، وكل شوية هنعرف إنه في كذا كيان قبلي بيظهرو ورا بعض.
وبعد سنة واحدة، وفي شهر 8 سنة 2018 عمل الاتحاد العام "توأمة" بينه وبين مجلس شئون القبايل المصرية والعربية، والهدف من ده، بحسب الدراسة:
- "تعزيز التواصل والتعاون بين القبائل في مصر والوطن العربي".
- "دراسة وتقديم حلول لمشكلات وتحديات المجتمع القبلي".
وهنا يبان بشكل مفيهوش لف ودوران إن الكيان القبلي ده مش هدفه وطني بالمفهوم المصري، لكن هدفه الاحتفاظ بالقبلية اللي جم بيها من برة مصر + نشرها وفرضها على مصر + تشبيك أكتر بين بتوع القبايل المستوطنين في مصر واللي بينسبو ليهم نفسهم برة مصر، زيهم زي أي تنظيم دولي الوطنية مالهاش فيه أولوية.
|
|
شعار منشور للاتحاد العام للقبايل على صفحة باسمه في فيس بوك |
رسالة الاتحاد.. تمكين البدو بتنظيم متعدد الجنسيات والانتماءات الأجنبية
كما نقلت الدراسة أهداف تأسيس الاتحاد عن مسئولين الاتحاد تحت عناوين "الأهداف" و"رسالة الاتحاد" و"رؤية الاتحاد" وغيره؛ وبتدي الصورة الكاملة للهدف من شغل أولاد القبايل اللي في مصر بالتعاون مع القبايل اللي في دول عربية من عمل الاتحاد ده، وبتقول:
1- يأخذ الاتحاد على عاتقه مهمة العمل على تطوير القبائل المصرية والعربية، مع الاحتفاظ بالهوية الثقافية المميزة للقبائل. (تعليق: يعني مش الهوية المصرية)
2- يعد الاتحاد منبرا للحوار والتبادل الثقافي والاجتماعي بين القبائل المختلفة.
3- "نحن نطمح إلى توحيد وتعزيز العلاقات بين القبائل المصرية والعربية لتعزيز التضامن والتعاون بينهم؛ للإسهام في بناء مجتمعات قوية ومستدامة اجتماعيا واقتصاديا ودينيا، تعتمد على القيم الثقافية والاجتماعية القائمة على التفاهم والعدالة والأصالة التي تتسم بها القبيلة العربية".
4- تعزيز الوحدة والتعاون بين القبائل المصرية وبعضها بعضا، وبينها وبين القبائل العربية من خلال تنظيم أنشطة وبرامج تعزز الوعي الثقافي والاجتماعي والاقتصادي والبيئي والسياسي، وتنمي القدرات والمهارات العملية للأفراد، بما يسهم في حل المشكلات المشتركة، وتنمية الأفراد والمجتمع، ولتشجع الأعضاء على المشاركة في الأعمال التطوعية وخدمة المجتمع، بما يحقق استدامة التنمية" .
5- العمل على لم شمل أبناء القبائل المصرية والعربية، ليكونوا على قلب رجل واحد، ونبذ العنف والخلاف بينهم؛ ليكونوا فاعلين وصالحين لخدمة مجتمعاتهم، مواطن ودولة.
6- دعم الاستثمار بكافة أنواعه، والمشاركة في مناقشة مشروعات خطط التنمية الاقتصادية والاجتماعية والبيئية، وحشد طاقات الأعضاء من أجل تحقيق أهداف هذه الخطط، والإسهام في تنفيذها بما يحقق للدول الاكتفاء الذاتي من المحاصيل الرئيسية ذات البعد القومي، والحفاظ على المياه وجودة التربة والمحصول، والمنافسة في التصدير والمشاركة في المجالات الزراعية العربية والأفريقية والدولية لخدمة الفلاح.
7- للاتحاد الحق في التعاون مع الدول العربية والأفريقية بما يدعم الاقتصاد المصري، وتأكيد دور أهل البادية والفلاح المصري في هذه المجالات، وإنشاء مجال للتعاون مع مشروعات لاستصلاح الأراضي بهدف التنمية.
تعليق:
• بتأكد المواد اللي فاتت فكرة التربيط والتشبيك بين ولاد القبايل المستوطنين في مصر وبين اللي معتبرينها أصولهم برة، بما فيه ربط انتماءات ومصالح من كل النواحي، بغض النظر تناسب مصر ولا ضدها.
• الاتحاد نفسه كأنه بيأكد الكلام ده لما بيقول إنه بيشتغل على إنه بتوع القبايل في مصر والقبايل العربية برة مصر يكونو "على قلب رجل واحد"، والسؤال: على قلب رجل واحد ضد مين؟ مع مين وضد مين؟ فمثلا بتوع القبايل اللي في مصر واللي ناسبين نفسهم ليهم في السودان والسعودية والإمارات واليمن وسوريا وفلسطين وليبيا إلخ على قلب رجل واحد ومصر يكون معاها مشكلة مع أي بلد من دول، هيكونو "رجل واحد" مع مين وضد مين، ولو مثلا راجل أعمال مصري حصلتله مشكلة مع واحد راجل أعمال في مصر من اللي بينسبو نفسهم لقبايل وبالاسم مصري، التاني ده هيلاقي شبكة واسعة مفرودة على عشرات الدول تقف في ضهره وتخدمه ضد المصري اللي مش تبع قبايل.
• تحت اسم المشاركة في التنمية، بياخد امتيازات ومكاسب من الحكومة وغيرها (هنشوفها في بقية الدراسة) ومش عشان ينفع المصريين نمرة (1) لكن بتوع القبايل أصحاب الانتماءات الأجنبية وكمان القبايل اللي برة، وحل مشاكلها، ومعلوم إنه ما أكتر مشاكل القبايل والشعوب في البلاد اللي حوالينا.
• بالنسبة لنمرة (6) عن دور اتحاد القبايل في الاستثمار ومشاريع التنمية والمحاصيل الرئيسية، شوفنا مثال ليها في اتحاد تاني، هو اتحاد إبراهيم العرجاني، لما المشاريع الكبيرة اللي عملها المصريين لتنمية سينا في السنين الأخيرة، واتسلمت لشركات تبع العرجاني، راحت ثمرتها لمين؟
اتفتحت البلد لأكتر من 100 ألف فلسطيني من غزة، بخلاف ملايين الهكسوس التانيين من عشرات الدول باسم لاجئين وأشقاء وعمال، وقوانين توطين اللاجئين شغالة، وكل شوية العرجاني واللي زيه يقابلو سياسيين ورجال أعمال من قطر وليبيا وغيرها ويعملو اتفاقيات متفصلة حسب مصالحهم بخصوص مشاريع من خير مصر.
 |
| العرجاني رئيس اللي بيتسمى اتحاد القبايل العربية في سينا يستقبل شركات قطرية لعمل مشروعات بإشرافه |
• أما حط الفلاح أساسا ضمن اللي بيقولو إنهم بيخدموهم بمشاريعهم فهو تمام زي المشاريع اللي بترعاها منظمات محلية أو أجنبية لتوطين وتمكين اللاجئين/الهكسوس الجداد، بإنها تقول مثلا إنها بتقدم خدمات صحية للاجئين والمواطنين المصريين، فيبقى إنها تدي جزء من الخدمة، وفي والغالب أقل جزء، للمصريين كنوع من تحليل شغلها في مصر، وإنه ما يتقالش بتفضل اللاجئين على أولاد البلد، وتعمل نفسها قصاد البلد إنها صاحبة عمل خيري وبتساعد في علاج المواطنين وإنها القلب الكبير، وإن وجود الهكسوس فيه فايدة للمصريين وإنهم أصحاب فضل عليهم لأنه عن طريقهم بتيجي خدمات للمصريين إلخ، يعني في الآخر بيذلو المصريين بيهم، فبدل ما المصري يحس إن الهكسوسي عالة عليه، يحس إنه الهكسوسي له فايدة وهو اللي له جميل على المصري)
• في نمرة (7) الاستثمار مع الدول العربية والأفريقية عن طريق الاتحاد، في الطريق إنه يكون كيان موازي للدولة لعمل مشاريع تخدم في الأساس البدو اللي جوة وبرة مصر.
ملحوظة: مين هو الفلاح في مصر، والفرق بينه وبين البدوي؟
أقصد بالفلاحين يعني المصريين اللي مش تبع انتماءات وبلاد أجنبية، لأن أشهر صفة اتقالت على المصريين أيام الاحتلالات، المصريين اللي هما مش تبع جاليات أجنبية ولا بيقولو على نفسهم بدو ولا تبع قبايل، هي كلمة "الفلاحين"، و"القرويين" وده من البحر لحد أسوان، خصوصا إن العاصمة والمدن الكبيرة أيام الاحتلال كان مسيطر عليها الأجانب، وأكتر المصريين متركزين في القرى اللي كانت هي معظم مساحة مصر، يعني كلمة فلاح هي الوريثة الشرعية لكلمة أولاد كيمة اللي كنا معروفين بيها في تاريخنا القديم، وهو اللي يستحق معنى كلمة المصري بالشكل الوطني اللي اتربينا عليه، ومش مقصود بكلمة الفلاح اللي بيزرع بس، لكن أي مصري مهواش تبع المحتلين والدخلا، ولا بيعزل نفسه عن الأصل والهوية المصرية.
فكل كلامي في التقرير عن الفلاح، هو ده المقصود بيه، وعشان كدة هو معناها المصري الحقيقي قصاد البدوي الدخيل، واللي بيصر يفضل بدوي ويفضل دخيل، وياخد البلد من الفلاح.
نرجع للأهداف اللي حاططها الاتحاد لنفسه:
8- العمل على جذب المشاريع التي تخدم المواطن والدولة، وذلك للنهوض بالاقتصاد المصري والعربي ليجابه تطورات العصر، والعمل على تحسين دخل الفرد المصري والعربي في ظل الظروف الاقتصادية التي تحيط بالاقتصاد العالمي من انهيارات وارتفاعات في أسعار المواد الغذائية، وعمل دراسات اقتصادية ودراسات جدوى لمشروعات اقتصادية بالتنسيق مع الصندوق الاجتماعي للتنمية والجهات المعنية.
9- العمل على تدريب وتنمية مهارات الشباب من خلال ورش عمل بالاشتراك مع العديد من قطاعات الدولة، لتأهيلهم لسوق العمل، وإدارة المشروعات الخاصة؛ ليصبحوا منتجين ومشاركين في عملية التنمية بما يفيدهم ويفيد الدولة. (تعليق: في سطور جاية هنعرف أنهي شباب مقصود يخدمهم الاتحاد)
10- تشجيع الشباب وتدريبهم على التطوع، والمساهمة في عمليات التنمية المستدامة طبقا لتخصصاتهم ومهاراتهم.
11- المساهمة في العملية التعليمية واستمرار الطلاب في التعليم من خلال عمل فصول تقوية مجانية لكافة المراحل الدراسية، ومساعدة العديد من الأسر في المصروفات الدراسية لأبنائهم، وفتح فصول محو الأمية للمتسربين من التعليم.
12- المساهمة في علاج غير القادرين من خلال القوافل الطبية الشاملة والمتخصصة، والبطاقات العلاجية، بالتعاون مع وزارة الصحة والجهات الأخرى المعنية.
13- العمل على الحفاظ على التراث الأصيل لأبناء الشعب المصري والعربي، وترك إرث تراثي مشرف للأجيال القادمة من خلال التعاون مع قصور الثقافة في كافة محافظات مصر والدول العربية لعرض وتقديم تراثنا المصري والعربي لأبناء الوطن من فن بدوي، وفن شعبي أصيل، وفن حرفي مهني توارثناه عن الأجداد، وعمل مجموعة من الأفلام التسجيلية عن الحرف والمهن التراثية.
14- عمل معارض في كافة محافظات مصر من الدلتا إلى الصعيد، وبكافة الدول العربية لعرض منتجات ومشغولات الحرف اليدوية لكافة أطياف الشعب، والعمل على تسويقه خارجيا لتنال حظها مثل باقي دول العالم التي تجوب الدول الأخرى لعرض منتجاتها اليدوية ونشر تراثها خارج حدودها، لتنمية اقتصاد الفرد والدولة، ودعم هذه المشروعات وتكرارها في كافة المحافظات.
تعليق.. بدونة التراث في مصر، وتضييع موكب المومياوات والكباش
|
|
مشهد من مشاهد "موكب المومياوات الملكية" سنة 2022 |
• المساعدات اللي بيقدمها اللي بيتسمى الاتحاد العام للقبايل في الأساس للبدو أعضاء الاتحاد عشان يكملو تعليمهم وعلاجهم، بتيجي في وقت تكاليف التعليم والصحة بتزيد قوي على المصريين، وكتير من المصريين مش قادرين إنهم يكملو علاج عيالهم، أو يودوهم كليات مصاريفها كبيرة زي طب وهندسة إلخ سوا حكومي أو خاص.
معنى ده إنه أول حاجة ده بيوفر لبتوع القبايل فرص تعليم وعلاج أحسن، يعني قدرة على وصول المناصب والمراكز من ناحية، ومن ناحية تانية الخدمات فوق البيعة اللي بتتقدم للمصريين جنب بتوع القبايل تتحسب منَّة وإحسان من البدو الدخلا أصحاب الانتماءات البرَّانية على المصريين أصحاب البلد والثروة.
من ناحية تالتة، المصريين اللي هيشدوهم ليهم بخدمات تعليمية وصحية هيتبخ في صدورهم نفس السموم اللي بتبخها عصابة حسن البنا والسلفجية لما عملو خدمات تقديم دروس خصوصية وعلاج في الجوامع، اللي بتقلل من الهوية المصرية الحقيقية، وتعلي قصادهم الهويات الدخيلة، وتدمر اللي باقي من كرامتهم وثقتهم في نفسهم وبلدهم.
• في الكلام عن حفظ التراث، المقصود بكلامهم عن التراث المصري والعربي في الأساس هو التراث البدوي والقبلي في مصر والدول الأجنبية اللي حوالينا، وتقديمه على إنه هو ده "تراث وهوية مصر".
وده واضح في المادة (13) عن طريق تصدير كلمة "فن بدوي" في بداية تعريف معنى كلمة التراث المصري والعربي، واستغلال الفن زي الأفلام في نشره، وتصدير فكرة للأجيال الجاية على إنه ده هو وش مصر وهو تراثها الأصلي، مش إن تراث مصر الأصلي هو الكيمتي/الفلاحي على مر العصور، اللي بيميز المصريين عن البدو العرب والمماليك والفرس والترك واليونان والإنجليز إلخ.
ولو اتقدم التراث الكيمتي/الفلاحي هيبقى حاجة على جنب، عشان بس المصريين لما يعترضو يتقالهم ما إحنا بنهتم بالتراث ده برضو، زي ما اتسمح يتعمل موكب المومياوات الملكية وفي نفس الوقت يتعمل اتحادات ومجالس لنشر فكر وثقافة القبايل، ده جنب ده، وفي الآخر لقينا مفيش أي استغلال كبير لنجاح احتفالية موكب المومياوات واحتفالية الكباش في نشر الهوية المصرية بشكل أكبر، وكأنها كانت بس احتفالات لتخدير المصريين في الوقت اللي بتوع القبايل شغالين يتجمعو ويعملو اتحادات وينتشرو، طبعا جنب الهدف الاقتصادي من الاحتفالات دي وهو تشجيع السياحة.
• في الكلام عن عرض التراث في المعارض جوة وبرة، فهنا استغلال إمكانيات مصر اللي صنعها الفلاح طول العصور في تنظيم معارض تخدم نشر التراث البدوي والقبلي، ويتقدم على إن ده هو مصر، فنتخيل المسخ والمسح اللي بيتعمل للبلد جوة وبرة.
ومش بس التراث البدوي المصنوع في مصر، لكن كمان التراث اللي يخص الخليج وبدو العراق والشام والسودان وشمال أفريقيا إلخ، وتسويقه في مصر، ويتعمله سوق؛ لأنه مهما كان فالتراث البدوي اللي في مصر ضعيف وإنتاجه مش غزير، ولا مميز في ذاته، فهو إما وافد من برة أو جزء منه متاخد من التراث الفلاحي ومتسمي أسامي بدوية، فمهم عنده يجيب أشكال تراث تانية من برة، ويقول إنه تراث غزير الإنتاج وقديم في التاريخ.
ومعلوم إن سلاح المعارض استخدمته عصابة حسن البنا والجماعات اللي بتساعد الهكسوس الجداد زي السوريين وغيرهم عشان تنشر ثقافتهم وتراثهم، وتقديمهم على إنهم أصحاب إنتاج، وتوفير مصادر دخل سريعة ليهم، وضرب الهوية المصرية والتاجر المصري.
حل البدو محل الداخلية والقضا
رجوع لأهداف الاتحاد اللي حطها لنفسه حسب ما ورد في الدراسة المنشورة في مجلة كلية الآداب جامعة الفيوم:
15- عمل لجان مصالحات وفض المنازعات في كافة ربوع أرض مصر لحل كافة النزاعات الأسرية والقبلية بين أبناء الوطن، وذلك لرفع العبء عن كاهل شرطتنا الأبية من ناحية، وتيسير سبل التعاون بين أبناء تلك القبائل، وتوجيه طاقتها لخدمة وتنمية المجتمع من ناحية أخرى.
تعليق:
• المادة دي اللطيف فيها إنها اعتراف بإن اللي تبع قبايل هو مصدر أساسي للعنف والصراعات الدموية والنزاعات، ومعلوم إن التار اللي بتعاني منه قرى هو فكر بدوي دخيل، نشره بدو دخلو أيام الاحتلالات أو الفوضى، ورفضو يلتزمو بقوانين دولة، وعاشو في نظامهم القبلي.
|
|
واحد من الكتب اللي بيوثق طبع العنف والتار في قبايل البدو |
وإنه ينصبو نفسهم إنهم اللي يحلو مشاكل التار، ده إلغاء لدور القضاء والشرطة، أو التقليل منه، ويبقو على الهامش، تحت اسم "تخفيف العبء عنهم"، وده تأكيد لطبع القبيلة في رفض سيطرة الدولة عليها، ويمكن مع الوقت يعملوا حراسات خاصة ومحاكم خاصة تحت اسم "التخفيف عن الشرطة والقضاء"، وبعد كدة تبقى مناطق اللي متركز فيها بتوع القبايل صعب تدخلها الشرطة المصرية أو الجيش.
ولو كانو صادقين في إنهم عايزين يقللو العنف بتاعهم، كان سابو التنظيمات القبلية والعيشة القبلية من أساسه، وعملو حملات ضد التار من أساسه، وضد كل اللي يتصرف بعيد عن قوانين الدولة المصرية، المصرية الحقيقية مش القوانين اللي بيعملها بدو، وكانو يربو عيالهم يبقو مصريين وبس، ويمسحو تاريخهم البدوي والقبلي، بكل اللي فيه من صراعات وتارات، لكن الروح البدوية بتشوف إن تاريخهم في العنف والدم هو التاريخ اللي يشرفهم.
إزاي اللي ضد الحدود يحمي الحدود؟
جه كمان ضمن أهداف ورسالة الاتحاد اللي حطها لنفسه:
16- العمل على سلامة أمن الوطن، والحفاظ على سلامة حدوده وأراضيه من خلال تعاون أبناء القبائل المصرية العريقة- التي تقطن تخوم الحدود الشرقية والغربية والشمالية لمصر- مع قواتنا المسلحة.
17- حماية الحقوق المشروعة لأعضاء الاتحاد والدفاع عن مصالحهم، وتحسين الظروف والشروط اللازمة لإنجاز أعمالهم، ورفع المستوى الثقافي لهم عن طريق الدورات التثقيفية، ونشر الوعي بينهم، بما يكفل تدعيم الاتحاد وتحقيق أهدافه.
تعليق:
• بخصوص المادة (16) عن إن البدو يبقى ليهم دور في حفظ الحدود، رغم إنهم محافظين على روحهم البدوية وفكرهم البدوي، فده يتعارض 100% مع الأمن القومي لمصر، فإزاي تنظيمات عابرة للحدود، بتعترف وتفتخر بانتماءات أجنبية لدول وجماعات أجنبية، وبتعتبر الحدود بينهم مجرد خطوط على الأرض، إزاي تتآمن على حماية الحدود؟
ومعلوم تاريخيا إنه من أساس شغل القبايل العابرة للحدود هو تسهيل حركة بعضها بين الدول، فمثلا لو في كيان قبلي بينسب نفسه للبربر أو اللي بيسمو نفسهم قبايل الأمازيغ، فهو شايف إنه من أساس واجباته إنه يسهل حركة البربر ما بين المغرب والجزاير وليبيا وتونس ومصر وأي مكان، سوا بشكل قانوني عن طريق تظبيط قوانين البلد اللي هما فيها، وواخدين فيها مناصب، لتقديم مزايا تسهل دخول الناس دي من المعابر، أو بطرق مش مشروعة زي التهريب والهجرة اللي مش شرعية، أو جلب الناس دي بحجة إنهم عمالة وغيره، أو بالجواز منهم، رغم البلد مش محتجاهم أصلا.
كمان التاريخ البعيد والقريب مليان بأمثلة لإزاي ولاد القبايل كان بيستغلوا وجودهم على الحدود في تهريب المخدرات والسلاح والمليشيات الإرهابية، وأوقات تسهيل دخول جيوش الاحتلالات، زي ما ساعد بدو الاحتلالات الفارسية والرومانية والعربية والإنجليزية، ولحد المعروف عن دور بدو في مساعدة غزو الجماعات الإرهابية من غزة وغيرها لحدود مصر الشرقية في 2011 و2013، وبدو عند الحدود الغربية في مساعدة إرهابيين وعصابات لتهريب السلاح وغيره للإرهابيين والمجرمين من ليبيا إلى مصر؛ لأن الأساس اللي بيحكمهم هو الانتماء للقبيلة، وقيادات القبيلة سوا كانوا في نفس البلد أو براها، وبيحددوا موقفهم من المحتل أو من أي شيء على أساس هيفيد القبيلة ولا هيضرها.
• والمادة (17) وحدها بتشرح ده وتأكد عليه، وهي بتتكلم عن إن هدف الاتحاد هو حماية اللي بيسميها الحقوق "المشروعة" لأعضاؤه ومصالحهم، مع اللي معروف إن أعضاؤه بدو ومن جوة وبرة مصر، وبيحددو معنى كلمة الحقوق والمصالح على مقاسهم، من غير أي اعتبار لدولة أو حدود أو جيوش وطنية.
المواد اللي فاتت عن أهداف ورسالة الاتحاد في الدراسة (ص 308- 309، و310-313).
إيه علاقة أهداف اتحاد القبايل بالإرهاب في سينا وبغزة؟
وتعليق أخير في الجزء ده اللي خاص بأهداف الاتحاد الحقيقية، وهو سؤال: إيه
علاقة ده كله بالهدف اللي اشتغل عليه اللي هللو لتشكيل التنظيمات القبلية زي
اتحاد القبايل العربية بتاع إبراهيم العرجاني، وقالوا إنه اتأسس عشان يقف مع
الجيش ضد الإرهابيين اللي بيدخلو سينا؟ أو عشان وقف تهجير الفلسطينيين لسينا؟
وطرمخو على تاريخ كره البدو للجيش والداخلية وفي تسليم الحدود للعدو؟
وليه اتقالش صراحة إن الاتحادات والمجالس دي هدفها تكون كيانات اقتصادية عملاقة تفرش نفسها على الاقتصاد المصري، وتعمل كيان عرقي موازي للشعب المصري أو غالب عليه؟ ومع الوقت تعمل مناطق فيها نزعة انفصالية من سكانها البدو بعد ما يحققوا استقلال اقتصادي وسياسي وإداري إلخ؟
|
|
مثال لدور بدو في الحدود الشرقية في استخدام سلاحهم ضد الجيش والداخلية
|
شروط عضوية الاتحاد.. والصدمة (قيادات من الجيش والشرطة)
- بحسب الدراسة، فإن "عدد أعضاء الاتحاد العام للقبائل المصرية والعربية 650 ألف عضو، من 76 قبيلة مصرية وعربية، يمثلها في الاتحاد شيوخ القبائل والعمداء، وعمداء العائلات، والعديد من أفراد القبائل، ويمثلون 90-95% من الأعضاء، والباقي أفراد من خارج القبائل".
وأنواع العضوية هي:
- العضوية أصيلة، لمؤسسي الاتحاد، وعضوية فردية، لمن لا يمثلون أي هيئة أو مؤسسة.
- عضوية شرفية، خاصة بكبار المسئولين والتنفيذيين، وكبار القادة من الجيش والشرطة ممن أدوا خدمات جليلة للوطن والقبائل والمواطنين، وكذلك للأكاديميين والعلماء.
- عضوية انتساب، وحسب الدراسة هي "مخصصة للهيئات والمؤسسات والمنظمات التي ترغب في التعاون مع الاتحاد من خلال بروتوكولات تعاون لتمثيل مصالحها والمشاركة في أنشطة الاتحاد".
وعن سبب تعدد أنواع العضوية، قالت لوايح الاتحاد ومسئولين في الدراسة إنه "يهدف إلى مشاركة ذوي الخبرات في التخصصات المختلفة من الأفراد والهيئات والمؤسسات للمساهمة في نشاطات الاتحاد، وتحقيق أهدافه". (ص 313-314)
تعليق: تخريب مخ الدولة، وربط المسئولين والمتعلمين بمصالح أجنبية
• والسؤال: هل معنى كلمة يمثلون 76 قبيلة مصرية وعربية إنه ضمن الأعضاء إماراتيين وسعوديين وفلسطينيين وليبيين إلخ؟
• والأعضاء اللي من 5-10% من خارج القبائل دول شغلتهم إيه في الاتحاد؟ ولا مقصود إنه ينضم للاتحاد أصحاب نفوذ ومناصب من اللي ما وصلهاش ولاد القبايل لسة فيستفيدو منهم قصاد يفيدوهم في صفقات أو مناصب أو علاقات جوة وبرة إلخ؟
• "العضوية الشرفية" فيها إشارات تجاوب على الأسئلة اللي فوق؛ لأن الكلام عن ضم كبار المسئولين، بما فيهم قيادات الجيش والشرطة، لتنظيم عرقي قبلي متعدد الجنسيات وعابر للحدود، معناه تحزيب مخ الدولة وصناع القرار، وربطهم بمصالح بتوع القبايل اللي جوة واللي برة.
وده أخطر ما يكون؛ لأن كدة الجيش والشرطة والمخابرات والقضاء وبقية مؤسسات الدولة بقو هدف أساسي للقبايل اللي برة مصر وفروعها جوة مصر؛ لضمهم ليها، واختراق المناصب دي، زي ما هما هدف لعصابة حسن البنا والأحزاب والكيانات الشيوعية واليسارية والعروبية والعولمية إلخ.
• كمان "العضوية الشرفية" مش واقفة على ضم المسئولين اللي مش تبع القبايل (لأن المسئولين اللي تبع قبايل كدة كدة داخلين عضوية أساسية)، لكن باسم العضوية الشرفية فهي بتنشن على الخبراء اللي في الجامعات والمؤسسات البحثية عشان يضموهم للاتحاد، وتسخير خبراتهم ونفوذهم ووقتهم في خدمة بتوع القبايل أكتر ما هو يخدم المصريين.
• جنب ده، فالجامعات والمراكز البحثية في الحالة دي، هيكون فيها دكاترة وباحثين يعملو أبحاث ورسايل ماجستير ودكتوراة تقدم القبايل في صورة إنها عماد أساسي في مصر.
ويمكن مع الوقت تتقدم إنها هي اللي بنت مصر وأصل حضارتها، وإنها أساس الاقتصاد المصري ورعاية المصريين، وتقديم التراث القبلي على إنه التراث المصري الأصلي وهكذا، بعد ما كانت الأبحاث بترصد بشكل علمي، بعيد عن إغراءات ومصالح القبايل، دور البدو في تخريب واحتلال مصر في كذا عصر، وجرايمهم في نهب أراضي وثروات المصريين، وإزاي اتفننو واتمتعو في تعذيب أهل البلد اللي كان تقدر تطولهم إيديهم وقت الاحتلالات أو وقت ضعف الحكومة.
• بالنسبة لـ"عضوية الانتساب"، فمعناها إن مؤسسات في مصر ومؤسسات أجنبية يبقو أعضاء في اتحاد القبايل؛ فيلتزمو بتحقيق أهداف الاتحاد ويراعو مصالحه في القرارات والقوانين واختيارات المناصب.
يعني لم الفوايد الموجود في كل مؤسسة وعند أي خبرا من أي شكل ولون، ومن جوة ومن برة، لمصلحة بتوع القبايل وتحسين صورتهم وسمعتهم، ويعيدو كتابة التاريخ بحسب أهداف الاتحاد من السيطرة على المستقبل.
ونسأل تاني وتالت ورابع، يبقى إيه الفرق بين الكيانات القبلية وبين التنظيم الدولي لعصابة حسن البنا (الإخوان المسلمين)؟
|
|
صفحة على فيس بوك باسم اتحاد القبايل بتعلن عن ضم عراقية للاتحاد |
المنتفعين من خدمات اتحاد القبايل جوة وبرة
تأكيد لدور اللي بيتسمى الاتحاد العام للقبايل في خدمة القبلية الوافدة ومراكزها برة مصر، بتقول لوايح الاتحاد عن المستفيدين من خدماته:
- "تستفيد أسر أعضاء الاتحاد بـ(60%) من خدماته وأنشطته، بينما توجه النسبة المتبقية (40%) إلى أسر وأفراد من خارج أعضاء الاتحاد، سواء من أبناء القبائل أو من خارج القبائل". كدة بالنص ص 313.
- ركز الاتحاد على إنه ضمن المستهدفين "المرأة، خاصة ربة البيت التي لا تعمل خارج البيت نظير أجر نقدي أو عيني، محدودي الدخل، والأقل دخلا، والمتسربين من التعليم".
تعليق:
• يعني الأكترية ويمكن توصل لأكتر من 90% هي لبتوع القبايل جوة وبرة الاتحاد، وجوة وبرة مصر؛ لأن حتى الـ 40% اللي متخصصة للي مش أعضاء داخل فيهم برضو بتوع القبايل.
• والاهتمام بربة البيت اللي مش بتشتغل برة البيت، وباللي سماهم محدودي الدخل إلخ معناه تقوية أي حد من أولاد القبايل ماديا وفي المهارات، فحتى اللي معندوش فرصة ياخد منصب وصفقة مهمة.
فيبقى حتى وربة البيت في بيتها أو اللي ما كملش تعليمه قادر بسهولة يلاقي اللي يساعده وما يعانيش نفس معاناة المصري اللي مش من قبايل، وده جاي في وقت الأزمة الاقتصادية المصنوع أكترها من سوء الإدارة اللي مشارك فيها ناس من بتوع القبايل والهكسوس القدام، وبتخنق المصريين وتعصرهم عصر، فده نوع من نفي المصري الأصيل وتمكين الدخيل أبو انتماءات برَّانية.
المتطوعون
جهز الاتحاد متطوعين لتنفيذ أهدافه، وقال بالنص "يصل عدد المتطوعون في جميع الأنشطة التي يقدمها الاتحاد تقريبا (10000) متطوع على مستوى الجمهورية، من الذكور والإناث، مع زيادة عدد الذكور عن الإناث، من داخل القبائل المصرية ومن خارج القبائل". ص 314
تعليق: ده يضمن تسريع تحقيق أهدافه وانتشاره في وقت أقل؛ لأن أكترية الأعضاء مشغولين في أعمالهم أو أيا كان.
موارد الاتحاد العام للقبايل (التمويل)
تنوعت مصادر تمويل الاتحاد من كل أنواع التمويل في البلد، التبرعات، الاشتراكات، الاستثمار، المنح، والإعانات، والوصايا، والهبات، ومن الحكومة ومن القطاع الخاص وأي ناس، فيما معناها إن ميزانيته هتكون ضخمة، ولما يتسأل عليها هيكون الجواب إن مصدرها هو الاستثمار + التبرعات والهبات.
وحسب ما ورد في الدراسة عن التمويل فالمصادر هي:
- رسوم العضوية والاشتراكات السنوية.
- المنح والإعانات من وزارة التضامن.
- الإعانات والهبات والتبرعات والوصايا التي يقبلها مجلس الإدارة، وأرباح المطبوعات، وأرباح الاستثمار متى وجد، وإيرادات مستقبلية يسعى الاتحاد لتحقيقها. (ص 315)
تعليق:
• نتخيل إنه هيتاخد من موارد الدولة وعرق الفلاح المصري اللي صنع أقدم دولة وطنية ومركزية خالية من القبايل وتعدد الأعراق، عشان يتصرف على كيان يحول مصر لدويلات وإقطاعيات وبلد قبايل، وعلى تقوية أولاد القبايل سوا اللي جوة مصر أو برة مصر؛ فيتسبب في ضعف وتفليس الفلاح وفي تخريب بلده.
• وفي مصادر التمويل متقال إن ضمنها "الوصايا"، وأنا معرفش المقصود منها لسة، لكن يمكن المقصود إن ناس تخصص له جزء من التركة والميراث بعد ما تتوفى.
• بس نلاحظ كمان إن جنب إنه بياخد من الحكومة إعانات، فهو مش هيقف عند الإعانات، لكن هياخد من الحكومة برضو أراضي وامتيازات تحت اسم الاستثمار، زي ما هنشوف في مواد جاية، وبكدة يبقى عامل زي واحد عامل نفسه فقير ومحتاج إعانة من الحكومة، وياخد الإعانة، وفي نفس الوقت يروحلها ياخد منها أراضي وامتيازات باسم إنه مستثمر هيعمل مشاريع وينمي البلد!
يعني زي المثل بتاعنا "طالع واكل نازل واكل".
• كمان ما اتقالش الهبات والتبرعات واقفة على إنها تجيله من جوة ولا هيقبل تبرعات وتمويل من جهات أجنبية والقبايل في دول برة مصر.
والغالب ده اللي هيحصل؛ لأن الاتحاد نفسه معمول للي جوة وبرة مصر، والعضوية بتاعته لدول ودول، فعادي عنده ياخد تمويل من جهات في الإمارات أو السعودية أو ليبيا أو أي مكان، مع اللي معروف من اللي هيترتب على ده من إنه يراعي مصالحهم في أي صفقات أو قرارات أو قوانين تتعمل في مصر، خاصة زي ما سبق الكلام، إن من أعضاء الاتحاد أو أصحاب العلاقات بيه هيكونو مسئولين في كل مؤسسات الدولة، وطبعا في البرلمان، المسئولين عن حط القوانين والقرارات في كل مجال.
مجالات عمل اتحادات البدو
قالت الدراسة تحت عنوان "مجالات التنمية المستدامة التي يعمل بها الاتحاد" إنه ضمن أنشطته:
- المجال الاجتماعي، يشمل: الصحة، التعليم، التدريب، فض المنازعات، مساعدة بعض الفئات المحتاجة للحماية الاجتماعية، إنشاء النوادي الرياضية المتخصصة.
- المجال الاقتصادي: ويشمل توفير فرص العمل، مشروعات إنتاج، مشروعات زراعية، إنتاج حيواني وداجني، حرف يدوية، دعم مادي.
- المجال البيئي: ويشمل: "التوعية البيئية، مساعدة الفئات المتأثرة بتغير المناخ، استغلال بعض المصادر البيئية المهملة. (ًص 315)
التكويش على الأندية الرياضية وعمل أندية عرقية
تعليق:
• في عبارة "إنشاء النوادي المتخصصة"، بيحصل فعلا إنهم بيسيطرو على أندية موجودة وهيعملو أندية رياضية متخصصة عرقيا، يعني يغلب عليها البدو، أو يغلب عليها ثقافة البدو زي ما بقو يخلو وزارة الشباب والرياضة تعملهم أندية "الهجن" يعني بتاعة الجمال، ودي بيغلب عليها البدو إن مكنش كلها بدو.
كمان بدو من برة مصر، زي بدو من السعودية، منهم تركي آل الشيخ المسئول في الحكومة السعودية، معروف إنهم حاولو يسيطرو على أندية مصرية.
• ويمكن من هنا نفهم ليه السكوت على عمل أندية للسوريين وغيرهم، جنب تمكين دخول السوري والفلسطيني والسوداني إلخ في الأندية المصرية.
وبكدة يبقى الهكسوسي القديم والهكسوسي الجديد عندهم فرصتين في احتراف الرياضة، الأولانية إنهم يبقى مسموح ليهم يدخلو الأندية الوطنية، والتانية إنهم يتسمحلهم يعملو أندية تخصهم أو هما اللي مسيطرين عليها، في حين المصري الفلاح اللي مالوش أي لون غير لون بلده يبقى قدامه فرصة واحدة اللي هي الأندية الوطنية، ودي كمان مع الوقت مش هيبقاله فيها أولوية.
|
|
نشر أندية للهجن وثقافة البدو بدل تمصيرهم برعاية رسمية |
نصباية "الفئات الأكثر احتياجا"
• عبارة "مساعدة بعض الفئات المحتاجة للحماية الاجتماعية" اللي في نقطة "المجال الاجتماعي"، معلوم إن البدو بيعتبرو إن البدو، وكمان الهكسوس الجداد (اللاجئين وغيرهم من أجانب) بيعتبروهم "من الفئات الأكثر احتياجا"، اللي هو مصطلح وتنصنيف حطته الاتفاقيات الدولية للي بتسميهم "المهمشين" و"الأقليات" إلخ، وبيتقدملهم امتيازات فوق بقية السكان وفوق أولاد البلد، وده اللي أخدت بيه القوانين في مصرفي السنين الأخرانية.
• في عبارة "توفير فرص العمل، مشروعات إنتاج، مشروعات زراعية، إنتاج حيواني وداجني، حرف يدوية، دعم مادي" في نقطة "المجال الاقتصادي"، واضح إنه عملية حشد لتوفير كل اللي يخلي حياة أعضاء الاتحاد من البدو سهلة، سوا بتوفير شغل أو مشاريع أو تقديم تمويل ليهم، وطبعا جنب اللي هياخدوه من الاتحاد، هيكون ليهم برضو إنهم يشاركو المصريين في أي فرصة للتمويل أو عمل المشاريع، فيبقى المجال والفرص قصادهم أوسع من المصريين.
• بالتأكيد التسهيلات في توفير فرص العمل والدعم المالي هتشمل تسهيل دخول ولاد القبايل لوظايف صعب ناس كتير توصلها، مثلا وظايف الخارجية والداخلية والقضا والجيش والترشيح للبرلمان ومجال الفن والرياضة، إلخ
البدو واستغلال تغير المناخ
• بالنسبة للكلام عن تغير المناخ في نقطة "المجال البيئي"، فممكن ناس تسأل: مال اتحاد البدو وتغير المناخ؟ لكن ده إِشارة لإن البدو ما فوتوش أي فرصة عشان يستفيدو من الدولة عن طريقها إلا وكبشو فيها، فإن كان الكلام عن تغير المناخ موضة العصر، فهيكون استغلال الكلام عن تغير المناخ، واللي ورد في الاتفاقيات الدولية عن دعم "الفئات الأكثر احتياجا" قصاد تغير المناخ، في إنهم ياخدو دعم ومزايا تانية لولاد القبايل، بحجة إن كتير منهم عايش في بيئة صحراوية بتتأثر أكتر بتغير المناخ.
الإدارة الدولية/الأجنبية لاتحاد القبايل
حسب اللي جه في الدراسة المنشورة في مجلة كلية الآداب جامعة الفيوم تحت عنوان "الهيكل التنظيمي للاتحاد العام للقبايل المصرية والعربية" تتكون إدارة الاتحاد من:
- الرئيس العام للاتحاد في مصر، ورؤساء قُطريون من كل دولة من الدول التي يوجد بها أصول أو فروع للقبايل العربية في مصر؛ ليكونوا بمثابة حلقات الوصل بين الاتحاد وأبناء القبائل في مجتمعاتهم.
- 4 نواب للرئيس
- رئيس مجلس الأمناء
- الأمين العام
- المنسق العام للاتحاد
- أمين التخطيط والمتابعة
- أمين الشباب
- أمين العلاقات العامة
- أمين التدريب
- أمين الاتصال
- رؤساء القطاعات (يمثلون القبائل في القطاعات الجغرافية المختلفة في جمهورية مصر العربية) وهي "رئيس قطاع القاهرة الكرى، رئيس قطاع وسط الدلتا، رئيس قطاع مدن القناة، قطاع غرب الدلتا، قطاع شمال الصعيد)
- أمناء الاتحاد بالمحافظات: كل قطاع مما سبق ينقسم إلى عدد من المحافظات، وفي كل محافظة فرع للاتحاد يرأسه أمينه بهذه المحافظة.
وبحسب صفحة باسم "الاتحاد العام للقبائل المصرية والعربية على فيسبوك"، غالبا هي صفحة الاتحاد، فرئيسه اسمه فوزي فاضل، وأمينه العام اسمه الدكتور سمير المصري، ومكتوب إنه "لواء"، وخلي بالك من كلمة لواء، ومش مكتوب إن كان لواء في الجيش ولا الداخلية.
تعليق:
• معنى الكلام اللي فات ده إنه تنظيم دولي، مش مجرد كيان محلي، زي ما واضح في عبارة إنه ضمن إدارته "ورؤساء قُطريون من كل دولة من الدول التي يوجد بها أصول أو فروع للقبايل العربية في مصر؛ ليكونوا بمثابة حلقات الوصل بين الاتحاد وأبناء القبائل في مجتمعاتهم".
يعني بيشارك في إدارته، وفي قرارته، وفي توجيه الأعضاء والمسئولين في مؤسسات الدولة وأساتذة الجامعات والقضاة ونواب البرلمان إلخ اللي هيكونو أعضاء أساسيين في الاتحاد أو أعضاء شرفيين، هيشارك في توجيهم يعملو إيه وما يعملوش إيه، ويحطو للبلد قوانين إيه وما يحطوش إيه ناس أجانب من قبايل في دول تانية من اللي هيكونو ضمن إدارة الاتحاد.
فنتخيل مثلا إن لواء في الجيش أو في الشرطة، أو وزير، أو رئيس الوزراء، ولا حتى رئيس البلد، ويبقى في ريس بيديره ويترأس عليه واحد في الإمارات ولا ليبيا ولا قطر ولا السودان ولا المغرب إلخ، ويوجهه يعمل إيه وما يعملش إيه، وينفذ؛ لأن انتماءه الأساسي للقبيلة والاتحاد بتاعها! ونفس الحال يمشي على نواب في البرلمان وقضاة وأساتذة جامعة وإعلاميين وفنانين ورياضيين ورجال أعمال إلخ
• ده نفس نظام الفكر الماسوني ونظام عصابة حسن البنا وأي كيانات عابرة للحدود وضد الدولة الوطنية، وضد حقوق أهل البلد اللي مالهومش انتماء إلا للبلد.
شبكة عنكبوت بدوية لإدارة محافظات مصر زي شبكة حسن البنا
• حتى تقسيم البلد إداريا لقطاعات، وكل قطاع يرأسه حتى من التنظيم القبلي ده، هو زي التقسيمات الإدارية اللي عاملاها عصابة حسن البنا عشان تمد شبكة العنكبوت بتاعتها على كل حتة في البلد، ويعملو إدارة موازية لإدارة للدولة، عشان في أي وقت يجيلهم فرصة الحكم بانتخابات أو بالعنف والفوضى يبقو جاهزين، وليهم قيادات وإدارة في كل حتة فيها.
وناخد بالنا إنه في أول الدراسة كان الاتحاد حاطط تعريف لنفسه إنه مش كيان حزبي ولا سياسي، والسؤال، إن مكنش كل التنظيم الإداري والسياسي وخطط السيطرة الاقتصادية والاجتماعية دي شغل أحزاب وسياسة وتنظيم دولي، تبقى شغل إيه؟
النطاق الجغرافي لعمل الاتحاد
بحسب الدراسة عن "النطاق الجغرافي":
- في الداخل:
مقره الرئيسي في محافظة الجيزة، 28 شارع جامعة الدول العربية، شقة 11، وله مقرات فرعية في معظم المحافظات.
- في الخارج
يمتد عمل الاتحاد ليشمل بعض القبائل في المنطقة العربية؛ حيث تم تأسيس مكاتب لفروع الاتحاد في عدة دول عربية، يرأسها أحد أعضاء الاتحاد من تلك الدول، التي تضم (السعودية، الإمارات، الأردن، فلسطين، تونس، الجزائر، السودان).
ولحد وقت عمل الدراسة كان مكتوب إنه "وما زال العمل فيها في مراحل التنسيق والإعداد". (ًص 309- 310)
إهانة وإذلال المصرييين وتقديم البدو المنقذ ليهم
تعليق:
• ناخد بالنا من أماكن فروع الاتحاد (الإمارات، السودان، السعودية، الأردن الجزاير، فلسطين)، والمحتمل تزيد، وده يخلينا ننتبه لإيد من الأيادي اللي بتحرك السياسة المصرية في الملفات الخارجية، زي فلسطين والسودان، وليه الدعم الكبير والنزح لخير مصر للبلاد دي، وفتح أبواب مصر لشعوبها وتوطين اللي جاييين منها بكل سهولة.
وليه كمان بيكبرو بسرعة في التجارة والمكانة، وإزاي بيلاقو شغل وسكن بسرعة، وإن مش بس عصابة حسن البنا والسلفجية العاديين والمنظمات اللي تبع الأمم المتحدة اللي ورا ده، لكن كمان البدو المترشقين في كل مؤسسات الدولة، وكابشين في ثروة الدولة وأرضها وفي البرلمان إلخ.
• ده كمان يجاوب على سؤال ليه المسئولين في مصر بقو يتعاملو بمذلة وقلة كرامة مع كتير من حكومات الدول اللي حوالينا، رغم إن ده مش طبع حكومتنا مهما كانت البلد في ضيقة، وليه بيقدمو تسهيلات وتنازلات للمستثمرين العرب كلها عار علينا، زي تسهيلات التجنيس وتمليك الأراضي والسيطرة على المواني والمطارات، وتسليمهم جزء كبير من الثقافة والتعليم والإعلام إلخ.
• كمان يسوأو سمعة المصريين ويقللو من كرامتهم بإشاعة إن "المصريين مش عارفين يديرو"، "المصريين مش عارفين يصلحو بلدهم"، ويتجاب ناس من الإمارات أو السعودية إلخ تتسلم المواني والمطارات والأراضي وأملاك المصريين بحجة إن هي اللي هتديرها وتصلحها، تمام زي ما قدمو السوريين على إن هما اللي جايين ينقذو اقتصاد البلد، وإن المصريين مش بتوع شغل.
|
|
دخول الإمارات صراحة في نشر ثقافة البدو في مصر |
مكاسب اتحاد البدو من الحكومة والسيطرة على أراضي مصر
حسب ما رصدته الدراسة وهي بتتكلم عن "إسهامات" اتحاد القبايل المصرية والعربية في مشاريع التنمية المستدامة، حصل الاتحاد من مؤسسات حكومية على:
- استلم 350 فدان من شركة المياه والصرف الصحي بقنا لزراعتهم، وتم توزيعهم على شباب في المحافظة.
- استلم 240 فدان من محافظة أسوان في "كركر" لإقامة نادي للفروسية ونادي للهجن.
- تم تخصيص 250 فدان من محافظة السويس لإقامة نادي للهجن.
- وفرت محافظة دمياط مساحات من الأرض الفضاء، مقابل إيجار شهري، لإقامة معارض المواد الغذائية منخفضة الأسعار ضمن برنامج اتحاد القبايل المصرية والعربية "محاربة الغلاء".
- وفرت محافظة الدقهلية مساحات من الأرض الفضاء مقابل إيجار شهري لنفس الغرض.
- عمل مركز بحوث الصحراء التابع لوزارة الزراعة على تدريب للسيدات في المحافظات الحدودية (شمال وجنوب سيناء، مطروح، البحر الأحمر، أسوان، الوادي الجديد) على الحرف اليدوية والصناعات المنزلية، وسلم المركز بالتعاون مع البعثة الألمانية للتنمية وسائل ري حديثة لدعم المزارعين في محافظة المنيا.
- فتحت وزارة الزراعة بالتعاون مع الاتحاد ومحافظة البحر الأحمر 15 منفذا لبيع منتجات وزارة الزراعة بالغردقة، يشتغل فيها 30 شاب.
- الاتفاق مع وزارة الشباب والرياضة على تدريب وتعليم الشباب على التحول الرقمي والإدارة الحديثة والنظم الإدارية وريادة الأعمال.
- وزارة العمل قدمت تدريب مهني للمتسربين من التعليم على حرف الكهرباء والسباكة والكريتال واستخدام الحاسوب، والصيانة المنزلية، وتفصيل الزي المدرسي، في عدة محافظات، وفتح فصل دراسي للتعليم المزدوج داخل مصنع الحديد في محافظة قنا لتدريب الحاصلين على الشهادة الإعدادية للحصول على شهادة فنية وتوفير عمل لهم في المصنع.
- التعاون في عمل ندوات وورش تدريب مع وزارة الصحة في الثقافة الصحية والوقاية ومخاطر الإدمان، وتخصيص برامج توعية لالأطباء والتمريض حديثي التخرج في مستشفيات المعادي وأم المصريين، وعمل قوافل طبية للكشف، وتقديم العلاج المجاني في عدة محافظات.
- تخصيص وزارة الصناعة تدريب للشباب أصحاب الورش الصغيرة على يد صندوق المشروعات الصغيرة والمشروعات متناهية الصغر على طرق التوسع وزيادة الإنتاج ، مع تقديم دعم مادي لهم.
- وزارة البيئة عملت دورات تدريب للمزارعين ومربيين الماشية والدواجن والنحل في البحيرة والمنيا على حماية مشاريعهم من تغير المناخ.
- قدم الاتحاد العام للقبائل المصرية والعربية كشوف "بحث اجتماعي" لوزارة التضامن الاجتماعي لأسر من محدودي الدخل لتقدم لهم الوزارة مساعادات مادية لدفع مصاريف الدراسة، كما ساعد الاتحاد في توفير جهاز للعرائس وحفلات الزفاف الجماعي التي تنظمها وزارة التضامن ومنظمات المجتمع المدني.
- خصصت وزارة التربية والتعليم دورات لتدريب المتسربين من التعليم على حرف الصيانة المنزلية في مدرسة "التلمذة الصناعية" التي تتبع وزارتي التعليم والصناعة.
- وزارة الداخلية: تم التعاون مع مديري الأمن في سوهاج وأسيوط وأسوان والبحيرة، ووكيل مشيخة الأهر ورئيس لجنة المصالحات الثأرية لفض المنازعات والتصالح في قضايا الثأر بين العديد من أسر القبائل المصرية في هذه المحافظات.
- قدمت كلية الاقتصاد المنزلي وكلية الزراعة في جامعة المنوفية تدريبات للخريجيين على إعداد الوجبات الصحية، إدارة المنزل، التفصيل، تصميم السجاد اليدوي، تربية الطيور، ونظمت كلية الطب البيطري بنفس الجامعة قوافل طبية بيطرية لتحسين السلالات وعلاج الحمى القلاعية والتأمين على الماشية في المنوفية والمنيا، كما دربت كلية التربية النوعية في أسوان الخريجين على تصميم وتنفيذ السجاد اليدوي.
- الاتحاد قدم كشوف "بحث اجتماعي" لأسر محدودة الدخل للجامعات لإعفاء أبنائهم من المصروفات الدراسية في محافظات المنيا وأسوان والمنوفية وقنا، وجاري تطبيقها على محافظات أخرى.
- الهيئة القومية لتعليم الكبار قدمت فصول محو الأمية للمتسربين من التعليم في القاهرة وأسوان وأسيوط ودمياط والسويس والإسماعيلية وكفر الشيخ. (ص 334- 338 و ص 346- 348)
مكاسب اتحاد البدو من القطاع الخاص والمنظمات الدولية
اللي فات أمثلة لمكاسب خدها الاتحاد في سنين قليلة من الحكومة (يعني من ميزانية المصريين) لخدمة أولاد القبايل، لأنه زي ما قال هو نفسه إن معظم خدماته بتتقدم ليهم، أما اللي هيدخل وياخد الخدمة من غير بتوع القبايل هيبقو عدد أقل بكتير.
دلوقت بتعرض الدراسة مكاسب خدها الاتحاد من القطاع الخاص والمنظمات الأجنبية والدولية، يعني طالع واكل نازل واكل زي ما سبق الكلام:
- قدمت منظمة العمل الدولية تدريبا لأفراد من مجلس إدارة الاتحاد والأعضاء على العمل المجتمعي للمنظمات غير الحكومية، وإعداد خطط عمل مشاريع لحماية معدومي ومحدودي الدخل.
- أميديست (منظمة أمريكية بتقدم أنشطة تعليم وتدريب على مهارات سوق العمل) اتفق معها الاتحاد على عمل خصم 10% على رسوم دورات اللغة الإنجليزية ودورة التوفل TOEFL لطلاب الدراسات العليا.
- ائتلاف حقوق الإنسان (معرفش لسة هو تبع إيه): عمل دورات تدريبية لشباب أعضاء الاتحاد من كل المحافظات حول مفهوم حقوق الإنسان وقوانينه والمواطنة والحريات.
- المستشفيات ومراكز التحاليل والعيادات الخاصة: اتفق الاتحاد معها على تقديم خصم للأعضاء وأسرهم على الكشف والتحليل والعمليات والأدوية، منها مستشفى مغربي للعيون، مراكز النيل، مركز برادة للعيون، وسلسلة صيدليات وعيادات ومراكز تحاليل، وتصل نسبة الخصومات إلى من 20-50% (ص 338- 340) وقالت الدراسة نصا: "وهي خصومات لأعضاء وأسر الاتحاد فقط".
دراسات في الجامعات بتمدح وجود الاتحادات القبلية
اعتبرت الباحثة في الدراسة المذكورة المنشورة في مجلة كلية الآداب جامعة الفيوم إن الخدمات اللي متقدمة للاتحاد دي "عامل قوي دعمت إسهامات الاتحاد في مجال التنمية المستدامة".
يعني هي بتأيد تقديم الخدمات والفرص دي كلها لكيان عرقي دخيل بيميز نفسه عن المصريين، وده نوع من الدراسات اللي بيسعى الاتحاد لإنها تكتر في الجامعات وفي وسائل الإعلام، علشان تقدمه في أحسن صورة، وتقلل اعتراض الرأي العام على وجوده.
وظهر ده أكتر تحت عنوان اختارته الدراسة في جزء منها هو "إسهامات الاتحاد العام للقبايل المصرية والعربية في التنمية المستدامة"، واعتبرت إنه بعلاقاته دي والتعاون مع الجهات الحكومية واللي مش حكومية "قدم العديد من الإسهامات في مجالات التنمية المستدامة"، من غير أي إشارة لخطورة إن المكاسب اللي حصل عليها هي تهديد لوحدانية الشعب المصري وهويته ولحقوق المصريين الطبيعيين اللي مش منتمين لأي كيانات أو دول أجنبية.
ولكن التركيز في المصطلحات اللي بتستخدمها الدراسة لمدح نشاط الاتحاد زي "التنمية المستدامة" وغيرها يعرف إنها ألفاظ معتمدة على صياغات الاتفاقيات الدولية، ومنها اتفاقية "خطة الأمم المتحدة للتنمية المستدامة 2030.. تحويل عالمنا"، المعمولة سنة 2015، ووقعت عليها الحكومة في مصر، وفيها بنود لتمكين وتوطين اللاجئين في البلدان اللي وقعت على الاتفاقية، وفيها إلحاح على نشر المواطنة العالمية، يعني مفيهاش اعتبارات للدولة الوطنية وحقوق أهل البلد وهويتهم الأصلية.
طمع البدو في حرف مصرية لأول مرة في التاريخ
تعليق على المكاسب:
في المكاسب اللي فاتت اللي خدها اتحاد القبايل من الحكومة والقطاع الخاص والمنظمات الأجنبية:
• اتقال إنه بيتقدم خدمات وتسهيلات وتدريب وتمويل وفرص عمل إلخ للمزارعين واللي عايزين يتعلمو حرف يدوية واللي عندهم حرف فعلا.
ومعلوم إن أكترهم هيكون من البدو جوة وبرة، ودي يمكن هتكون أول مرة في تاريخ البدو يعملو اهتمام كبير بالحرف زي الزراعة والصناعات والحرف اليدوية بالشكل ده، بعد زمن طويل من طبيعة البدو في كره الزراعة والحرف اليدوية، والتقليل من اللي بيشتغل فيها، لأنهم كانو شايفين إن شرفهم هو في الغارات والغزوات والتجارة، حتى لو كانت قطع طرق ونهب خيرات غيرهم.
ولما جه ناس منهم لمصر بقو يعتبرو إن كلمة فلاح إهانة وشتيمة للمصري الشقيان في الزرع وفي الصنايع لأنه مش زيهم بتاع غارات وقطع طرق، ومشهور عنهم المثل اللي بيقول "أرمي بنتي للتمساح ولا ياخدها فلاح"، وكتير منهم مكنش يقبل يشتغل مزارع أو صنايعي إلا لو كان في حكومة قوية منعته من شغلانة قطع الطرق، أو أخد الغنايم والمكاسب على الجاهز.
• توفير الإمكانيات والفرص في الزراعة والصنايع للبدو بالشكل الواسع ده بييجي في وقت المزارع والصانع المصري بيعاني أكبر معاناة، من زيادة الأسعار اللي بتكسر ضهره في تكاليف الزراعة أو الصنعة، وزيادة إيجارات المحلات والورش بعد ما الهكسوس الجداد اتسببو في زيادة الإيجارات، والحكومة اللي مسيطر عليها البدو والأغوات زودت الكهربا والمية والغاز إلخ بأسعار تخلي كتير من الورش والمحلات تخسر أكتر ما تكسب.
يعني دعم البدوي أكتر من الفلاح معناها تفليس الفلاح، وإن البدوي والهكسوس الجداد هياخدو فرصه في الزراعة والصناعة شوية بشوية.
• وفي مكان تاني في الدراسة (ص 347) متقال إن الحرف اليدوية والملابس متركزة على الحرف والملابس والأشغال البدوية علشان تتقدم للسياح في أسوان ومطروح والبحر الأحمر مثلا، وده معناه إن السايح بدل ما يرجع بتذكار مصري خالص، هيرجع بتذكار بدوي، ومع الوقت، ومع انتشار معارض البدو في كل المحافظات، يبقى الشكل المتصدر لمصر وثقافاتها وسياحتها هو الشكل البدوي أكتر من المصري الفلاحي.
• في عملية حصار للفلاح مش بس في المهن دي اللي كانت سانداه أيام الاحتلالات مثلا، لما كان المحتلين والجاليات الأجنبية محتكرين المناصب في الحكم والجيش والقضا والتجارة إلخ، لكن كمان في المهن اللي محتاجها المستقبل، زي مجالات الكمبيوتر والتكنولوجيا بأنواعها، اللي أخد الاتحاد خدمات وتسهيلات كبيرة فيها لأعضاؤه البدو.
وكأن البدو بطريقة جديدة من طرق "الكبش والتكويش والغارات" بياخدو كل المستقبل من المصريين، سوا الحرف اليدوية اللي كانت بتشغل المصريين وتعيشهم، أو العلوم الرقمية والتقنية اللي محتاجها العصر.
مش هيخلو للمصريين حاجة، خصوصا التدريبات دي هتتوسع وتشمل أولاد قبايل من بلاد أجنبية، وكتير كمان من الهكسوس الجداد بتوع قبايل أو هينسبو نفسهم لقبايل ولو بالزور عشان ياخدو الفرص، فهيكتر العدد اللي يشجعهم يستغنو عن المصريين، والعدد اللي هيفضل من المصريين يشتغل يبقى تحت إيدهم وسلطتهم ومذلتهم.
السبق على فلوس تكافل وكرامة
• وفي مكان تاني في الدراسة (ص 345) قالت تحت عنوان "مساعدة بعض الأسر من فئات مستحقي الحماية الاجتماعية" إن الاتحاد بيسهل حصول أسر على الفلوس والخدمات اللي بتقدمها وزارة التضامن ووزارة العمل في برامج "تكافل وكرامة" وبرنامج "العمالة غير المنتظمة"، بإن مندوبين الاتحاد بيلفو في المحافظات، ويجمعو بيانات الأسر دي، ويكتبولهم طلبات الانضمام، ويوصلوها للجهات الحكومية.
فواضح التسهيل الكبير اللي بيقدموه على طبق من فضة لأولاد القبايل في أخد الدعم المادي من الحكومة بكل شكل، وإنه تكون فرصتهم في أخد الدعم ده أكتر من فرصة الفلاح اللي هيقعد يلف على المكاتب الحكومية في جمع الورق المطلوب منه، ويدورو على اللي يساعدهم في كتابة الاستمارات والورق، ويحتارو لحد ما يعرفو إزاي يوصلوها للجهات الحكومية، ويدفعو مواصلات وياخدو وقت، لكن أولاد القبايل يجيلهم ناس مخصوصة توفر عليهم كل ده.
ده بخلاف إن انتشار البدو في المؤسسات الحكومية نفسها، هيخلي لأولاد القبايل ناس جوة المؤسسات تسهلهم تحريك الورق والموافقة على طلباتهم، وتسريع تقديم الخدمات ليهم.
فكأن اتحاد القبايل (سوا المكتوبة عنه الدراسة أو بقية الاتحادات والمجالس القبلية اللي اتعملت بعد 2011) واكلة البلد شاكب راكب، لا سايبة فرص استثمار ومشاريع مهما كانت ضخمة، ولا سايبة إعانات ومنح وحرف مهما كانت بسيطة.
تسهيل حصول البدو على الماجستير والدكتوراة أكتر من المصريين
• ضمن المكاسب والفرص اللي خدها "الاتحاد العام للقبائل المصرية والعربية" برضو (مع التأكيد من جديد على إنه مفيش حاجة اسمها قبايل مصرية لأن مصر مش بتصنع قبايل ولا بلد قبايل وكلهم فروع قبايل أجنبية)، هي تسهيل فرص التعليم الجامعي والدراسات العليا لأولاد القبايل، وده في الوقت اللي الحكومة والبرلمان (اللي مسيطر عليهم البدو والأغوات وكل أنواع الهكسوس القدام والمؤدلجين) بيصعبو التعليم قصاد المصريين.
فمثلا اتكلمت الدراسة عن إن الاتحاد بيعمل "بحث اجتماعي" لطلبة من أعضائه عشان يتعفو من المصاريف، في حين المصري الطبيعي عشان يتعفي من المصاريف هيلف كعب داير عشان يطلع البحث، ويا يلاقي اللي يساعده في ده يا ما يلاقيش.
• اتحاد القبايل بيتعاون كمان مع جهات بتدي منح، زي منظمة "أميدست" ضمن تسهيل فرص أولاد القبايل في فرص العمل ويبقو دكاترة في الجامعات وأصحاب شهادات الماجستير والدكتوراة، مع العلم إن ده في الوقت اللي رسوم الماجستير والدكتوراة للمصريين بتضرب لفوق بشكل فوق احتمال أكترية الطلبة المصريين.
مثلا أنا السنة دي (2024) سألت عن رسوم تسجيل برنامج الماجستير في كذا كلية، منها كلية الآثار جامعة القاهرة لقيته أكتر من 7 تلاف جنيه، وده الرسوم بس، فتح بق بس يعني، بخلاف كوم فلوس محتاجاه الدراسة والأبحاث، فده يخلي مصريين كتير ما يكملوش الماجستير، في الوقت اللي بتتقدم منح وتسهيلات أكتر في الدراسات العليا للهكسوس القدام والجداد؛ فيكونو هما أكتر الدكاترة والمتعلمين تعليم أعلى في المستقبل، والمسيطرين على الطب والآثار والهندسة والتكنولوجيا إلخ.
• جنب ده، في فرص أخدها الاتحاد من الحكومة ومنظمات محلية وأجنبية بتوفر فرص تدريب وتعليم حرف ومشروعات صغيرة للي اتسرسبو من التعليم، وفتح فصول تقوية للطلبة اللي في التعليم، فبعد سنين قليلة يبقى ولاد القبايل هما الأكتر تعليم في البلد، في حين إن أولاد المصريين بيتسرسبو من التعليم، أو ما يقدروش يكملو عشان الدنيا مخنوقة معاهم.
تسهيل الحياة الصحية للبدوي أكتر من المصري
• نفس الحال في الصحة، ففي الوقت اللي اتحاد القبايل بيوفر لأعضائه الكشف والعلاج المجاني، ده بخلاف الفرص اللي بياخدوها من الحكومة وغيرها ضمن الخدمات اللي بتقدمها الحكومة والجهات الصحية لكل السكان، وده في الوقت اللي العلاج أسعاره بتزيد على المصريين، وفي اتجاه جوة الحكومة لخصخصة المستشفيات الحكومية بالتدريج، فيرجع المصري زي أيام الاحتلالات ما يلاقيش فرص علاج إلا بالضنين.
هدف تدريب البدو في دورات حقوق الإنسان
• يلفت للانتباه قوي إنه ضمن المكاسب والفرص اللي خدها الاتحاد لأعضائه من جوة البلد وبراها، هو عمل دورات ليهم في مجال حقوق الإنسان.
ودي غالبا عشان يحفظهم اللي جه في الاتفاقيات الدولية، واللي اتحط في الدستور والقوانين في مصر في السنين الأخيرة، عن رفض الاضطهاد والتمييز العنصري، وعن حقوق المواطنة، وعن قبول الآخر والاختلاف، وعن التنمر، عشان يستخدمو الكلام ده ضد الحكومة أو أي حد ممكن في يوم يرفض عمل كيانات عرقية دخيلة في مصر، أو يرفض تمييز البدو عن المصريين، أو يرفض ثقافة البدو، أو يطالب البدو إنهم يبقو مصريين وبس، فيرهبوه بالكلام عن العنصرية والاضطهاد ويعملو ضده شكاوى إلخ.
كل ده في 7 سنين.. إيه هيفضل من مصر للمصريين؟
نلاحظ إن كل المكاسب دي، بما فيها السيطرة على مساحة كبيرة من الأراضي والمنح والمشاريع والأندية وفرص العمل والتمويلات، وتربيط علاقات جوة وبرة، هي حصلت في خلال سنين قليلة من عمر الاتحاد ( 7 سنين).
وده اللي اتعلن عنه بس، غير اللي اتاخد بأشكال تانية، فما بالنا هياخد أراضي ومشاريع ودعم من الحكومة قد إيه خلال الـ 20 سنة اللي جايين، وبقية الاتحادات والمجالس العرقية الدخيلة الباقية أخدت وهتاخد مكاسب قد إيه، وهيفضل إيه من مصر للمصريين؟
|
|
تصميم لشعار "مصر للمصريين" من كتاب"مائة عام على الثورة العرابية مصر
للمصريين" |
قراية في اللي فات.. الهدف الجديد للبدو
بخصوص صياغة الاتحاد للبنود بتاع تأسيسه وأهدافه وأنشطته نقدر نقول:
• هي مكتوبة بطريقة فيها حرفنة شوية، من ناحية بيستخدم ألفاظ ومصطلحات ولغة الأمم المتحدة والاتفاقيات الدولية في الكلام عن دوره في "التنمية المستدامة" و"تنمية المجتمع" و"نشر السلام" و"دعم الفئات المحتاجة" إلخ
• رغم ده، فالصياغة ما قدرتش تخفي الدور الحقيقي للاتحاد في تفتيت وتشويه وتخريب المجتمع المصري.
فأساسا اختيار كلمة "اتحاد" لمجموعة بتحتفظ بعرقية دخيلة، وتميز نفسها عن المصريين، ده نفسه ضد "تنمية المجتمع" و"نشر السلام" إلخ؛ لأن معناها إنه كيان هدفه يحافظ على إن جماعة بشرية في المجتمع تفضل كيان لوحدها بصبغة أجنبية.
والمجموعة دي معندهاش مانع إنها عشان تحقق ده تشبك علاقات أكتر بين أولاد القبايل المستوطنين في مصر وبين القبايل اللي برة، وتربطهم دايما بثقافة وعادات وملابس وأفكار وأخلاق القبايل الأجنبية، وتوحد مصالحهم، بحيث مصلحة قبيلة في الإمارات أو السعودية أو ليبيا أو أريتريا أو السودان أو المغرب إلخ تبقى هي مصلحة ابن فروع القبايل دي في مصر، حتى لو كانت ضد مصلحة المصريين.
• فيبقى الغالب إن معنى كلمة "تنمية" و"سلام" بيتقصد بيها أكتر تجهيز مصر إنها تكون بيئة "تنمية" و"سلام" لأولاد فروع القبايل اللي في مصر، وإنها تبقى غنيمة سهلة لأولاد القبايل في الدول الأجنبية، بزيادة فرصهم في السيطرة على مصر، وحط إيديهم على ثرواتها ومناصبها وقرارها، وتبقى ملجأ ليهم وقت ما تقع البلاد اللي هما فيها في حرب أو مجاعات أو يبقى عليهم تار، أو عايز يزود دخله بسرعة ويعيش في بيئة محمي فيها عن طريق الاتحاد القبلي وغيره من المحاسبة والقانون، ويحس إنه فيها فوق أهل البلد إلخ، تمام زي ما كانت الجاليات الأجنبية بتستقوي بقوانين "الامتيازات الأجنبية" عشان تبقى فوق أهل البلد في كل الأمور، وتهرب من الحساب قبل ثورة 1952.
• هيكل وتشكيلة الاتحاد، بتفكرنا بنظام الأحزاب، وكمان الأحزاب والجماعات العابرة للحدود، اللي هي ضد الهويات الوطنية، زي تنظيم عصابة حسن البنا "الإخوان المسلمين" في فرد نفوذها وعملها التنظيمي على كل تراب مصر، والتعامل مع مصر على إنها كيان بتقسمه إداريا بشكل يسهل سيطرة أعضائها عليه حتة حتة.
• وده قفزة كبيرة في نفوذ فروع القبايل في مصر، بعد ما كان أكتر ما يهمهم السيطرة على الحدود ومحافظات الحدود، لكن دلوقت بقى الهدف كل تراب مصر، وكل مناصب مصر، وكل ثروات مصر.
والختام سؤال
ونختم بالسؤال:
بعد كل اللي فات إيه الحكم على الـ 3 سطور الي عرف اللي بيتسمى الاتحاد العام للقبائل المصرية والعربية نفسه لما قال:
"الاتحاد كيان اجتماعي خدمي تنموي، لا علاقة له بالأحزاب ولا بالعمل السياسي، ويهدف إلى تنمية المناطق النائية، والعمل على زيادة انتماء أهلها للوطن، ووضع الحضارة والمدنية مكان القبلية، والاصطفاف بجانب الدولة، والمرور بها من الأزمات للرفاهية والسلام". (ص 307)
كل ده بيحصل تحت عينين مؤسسات الدولة اللي إحنا المفروض واثقين فيها، ومسملينها أمانة مصر، ومعتبرينها مش بس "الدرع والسيف" لكن من الأساسات اللي بتحفظ الهوية المصرية والدولة المركزية والشعب الواحد، لكن، لكن... لكن !
بقلم: إفتكار السيد (نفرتاري أحمس) 24-11-2024
--------------
رابط الحلقة متسجلة صوت على قناة "كيمة والخاسوت" في يوتيوب
رابط تنزيل كتاب: الاغتيال الكبير.. وثائق اغتيال الدولة الوطنية في الأمم المتحدة وبناتها،
مع مقارنة بين الامتيازات الأجنبية في مصر قبل 1952 والامتيازات العائدة بالاتفاقيات الدولية.وفيه تجميعة اتفاقيات وقعها المسئولين في مصر، وبتخلق حقوق بالزور للاجئين واللي بيتسمو مهاجرين، وللي بيتسمى أقليات، وبيتسند عليها البدو في فرض نفوذهم في مصر، وفيه تجميعة للقرارات اللي خدها المسئولين في آخر 10 سنين لمصلحة البدو والهكسوس القدام والجداد عموما، والشبه بين ده كله وبين سياسة اللورد كرومر وغيره في فرص الجاليات الأجنبية، وكل متكبر على الفلاحين، على مصر بالامتيازات الأجنبية.
رابط كتاب: نكبة توطين الهكسوس (النكبة ( المصرية
عن تاريخ الهجرات لمصر من التاريخ القديم لحد ثورة 1952، وتأثير كل هجرة (ومنها البدو) في تسليم مصر للفوضى والاحتلالات، وتاريخ "الامتيازات الأجنبية" في مصر.
متابعة أخبار الهكسوس القدام والجداد على حساب تويتر
@nefertery_ahmos
@elheksos_nakba
0 التعليقات:
إرسال تعليق