إيران في ليبيا... وعينها على المستوطنين الشيعة في مصر

الأمن القومي لمصر مش بيتظبط.. إلا لو عيون المصريين- كل المصريين- مش بس المسئولين، تبقى باصة في كل اتجاه.

تترصد كل خطر جاي، ومستخبي في أي توب وأي اسم، من كل النواحي.

قرطسة الشعب العظيم..نصباية كشف بقايا جيش مصر في البحر وعلاقتها ببني إسرائيل

د.ميسرة عبد الله حسين أستاذ التاريخ المصري في كلية الآثار جامعة القاهرة ينفي الخبر الكاذب

مرة تانية نرجع نقول إنه صحيح كل أجنبي له مصلحة يزيف تاريخ مصر عشان يحتكرها ليه، أو يقول إن له حق فيها، بيخترع الاختراعات عشان يقرطس شعبها فيصدق الخرافات دي ويقبل إن الهكسوس من كل جنس يشاركوه أرضه وحضارته.

لكن برضو صحيح إن أكتر حد بيقرطس الشعب المصري.. هو الشعب المصري نفسه

لما يستقبل الأخبار والمعلومات والمسلسلات والأفلام اللي بتتعرض عليه على إنها حاجة صح، ويتعبش نفسه في إنه يدور على كذا مصدر أو يعرف رأي أهل الاختصاص.

من الأمثلة على ده إن كتير من وسايل الإعلام في مصر والحسابات ليها كذا سنة كل شوية تعيد وتزيد في نشر كلام عن إنه في "بعثة مصرية" اكتشفت مئات من الهياكل العظمية ومراكب قرب أو تحت مية البحر الأحمر، وإن تاريخ "الآثار" دي يرجع لعصر إخناتون، وإنه جايز يرجع للي روته الكتب الدينية زي التوراة عن فرعون موسى وبني إسرائيل.

الخبر ده اتنشر كذا مرة، على كذا سنة، وبرضو يرجع ناس مصريين يتورطو في نشره وتصديقه، من غير ما يعرفو الغرض من نشره ومين وراه، مع إن الحكاية مكنتش محتاجة عشان أي حد فينا يتأكد من الخبر ده غير كذا حاجة بسيطة:

1- يدور على إيه اتقال على الخبر ده على كذا موقع وإيه الاختلاف بينها، مش من أول خبر يجري يصدق وينشر

2- يدور على هل وزارة الآثار أو نشرات الأخبار إلخ اتكلمت عنه ولا لأ، ويدخل صفحة وزارة الآثار وهي موجودة على النت يشوف اتكلمت عنه ولا لأ، لأنه زي ما إحنا بنشوف إن أي اكتشاف مهم بتعمل وزارة الآثار عنه مؤتمر، وبيحضره وزير الآثار أو اللي ينوب عنه، وبتغطيه كل نشرات الأخبار ووكالات الأنباء، وبيتعمل حوارات مع أصحاب الاكتشاف، فما بالنا بخبر عن فرعون موسى وبني إسرائيل اللي كل وسائل الإعلام في الدنيا نفسها تلاقي فتفوتة في أي أثر تثبت قصص التوراة حواليهم.

وطبعا اللي هيعمل الحاجتين دول هيعرف إنه مفيش أي حاجة رسمية اتنشرت عنه ولا أي بطنجان، عدا شوية المواقع والجرانين المعاتيه اللي خدو الخبر نسخ من مواقع أجنبية أو مجهولة.

هنبدأ الأول في تتبع ظهور الخبر حسب بحث عملناه على النت، ودورنا على مصادر صحيحة، وتعليق أساتذة لينا في كلية الآثار جامعة القاهرة عليه.

أولا الخبر منشور على موقع باللغة الإنجليزية اسمه "وورلد نيوز ديلي ريبورت" https://worldnewsdailyreport.com

وبيقول فيه إن بعثة مصرية عثرت على بواقي هياكل عظمية كتيرة ومراكب في البحر الأحمر، وإن في علماء ربطوا ده بعصر إخناتون، وإن ده بيدي إشارة لإن قصص التوراة عن فرعون موسى وخروج بني إسرائيل حقيقية.

صورة الخبر الكاذب من موقع "وورد نيوز ديلي ريبورت" للأخبار المزيفة

لما تدخل على تعريف الموقع بنفسه تلاقيه معرف نفسه بإيه؟

قايل الكلام ده :

ABOUT US

World News Daily Report is an American Jewish Zionist newspaper based in Tel Aviv and dedicated on covering biblical archeology news and other mysteries around the Globe.

Our News Team is composed of award winning Christian, Muslim and Jewish journalists, retired Mossad agents and veterans of the Israeli Armed Forces.

We are based in Tel Aviv since 1988 where are published more then 200,000 copies of our Daily Report paper edition everyday.

https://worldnewsdailyreport.com/about-us/

واختصارا قايل إنه جرنان أمريكي يهودي صهيوني، مقره في تل أبيب، وشغال من 1988، وبيعتمد على نشر الأخبار والتقارير اللي بتتكلم عن آثار الكتاب المقدس، وفريق العمل بتاعه من صحفيين مسيحيين ومسلمين ويهود واخدين جوايز في الصحافة، ومعاهم عملاء موساد سابقين وظباط قدام من الجيش الإسرائيلي.

وفي نفس الوقت كاتب تحت شعار اسمه فوق على الصفحة الرئيسية على اليمين.

where facts don't matter

يعني إن الحقيقة فيه "مش مهمة"

لما تدخل تدور على الموقع نفسه في جوجل يطلعلك كذا تقرير في مواقع أجنبية وعربية عن إنه أساسا "موقع أخبار مزيفة وساخرة".

مثلا منها موقع https://realorsatire.com/ المتخصص في إنه يقول إيه الحقيقي وإيه المزيف في الأخبار ومواقع الصحافة، نلاقيه بيعرف موقع "وورلد نيوز ديلي ريبورت"  بإنه موقع "هزلي مزيف"، ونصح القراء ما يعتمدوش على أخباره، وإنه حتى الشخصيات اللي بيذكرها بتكون خيالية.

https://realorsatire.com/worldnewsdailyreport-com/

ونفس الحكاية كان تعريف الموقع على ويكبيديا باللغة الإنجليزية أنه موقع أخبار مزيفة وهزلي

World News Daily Report (WNDR) is a satirical fake news website, purportedly describing itself as an American Jewish Zionist newspaper based in Tel Aviv and dedicated on covering biblical archeology news and other mysteries around the Globe

وقال ويكبيديا إن اللي بيشغله الكنديين جانيك موراي هول وأوليفييه ليجولت ويتبع الصحافة المزيفة على غرار التابلويد في المدرسة القديمة لأسلافها ، مثل ويكلي وورلد نيوز.

https://en.wikipedia.org/wiki/World_News_Daily_Report

وعلى الموقع نفسه- موقع "وورلد نيوز ديلي ريبورت" بنلاقيه تحت تعريف نفسه وتحت كلمة disclaimer إن الشخصيات المذكورة عنده خيالية

https://worldnewsdailyreport.com/disclaimer_/

واللي اللغة الإنجليزية عنده ضعيفة زي حالاتي، هيلاقي برضو تقارير بالعربي تظهر كدب الموقع، منها تقرير على موقع "قل ودل"، منشور في يونيو 2019 قال في نهاية الخبر عن الاكتشاف المزيف تحت عنوان فيه استفسار أو تشكيك "هل تم العثور على بقايا جيش فرعون في البحر الأحمر؟".

بيقول في ختامه لتنبيه الناس:

" في النهاية، بقي أن نشير إلى أن الخبر الشائع هذا، قد بدأ انتشاره منذ عدة سنوات، على يد موقع عالمي يدعى “World News Daily Report”، وهو موقع الكتروني يعرف نفسه بأنه منصة لتناقل الأخبار المفبركة بغرضالترفيه، ما يبدو وأنه لم يلفت انتباه الوكالات العربية، التي تناقلت الخبر الكاذب مؤخرا دون أن تتأكد من مصداقية هذا الموقع الطريف".

https://www.qallwdall.com/%d8%a8%d9%82%d8%a7%d9%8a%d8%a7-%d8%ac%d9%8a%d8%b4-%d9%81%d8%b1%d8%b9%d9%88%d9%86-%d9%81%d9%8a-%d8%a7%d9%84%d8%a8%d8%ad%d8%b1-%d8%a7%d9%84%d8%a3%d8%ad%d9%85%d8%b1/

في مواقع تانية ما عملتش كدة، لكن قدمت الخبر للمصريين والعالم على إنه "حقيقة".

مثلا نشر موقع "صدى البلد"، الخبر في 23 نوفمبر 2014 بعنوان فيه تأكيد على إنه حصل فتقول: 

"العثور على 400 هيكل عظمي وأسلحة لجيش فرعون بالبحر "

 وجوة التقرير قالت إنها نقلته عن "القناة العاشرة الإسرائيلية"، ومفيش جوة الخبر أي تعليق لأي دكتور في كليات الآثار المصرية عشان تاخد رأيه في الخبر اللي نشرته الصحف الإسرائيلية عن تاريخنا وآثارنا حقيقي ولا لأ.

https://www.elbalad.news/1258453/alathor-aly-400-hykl-azm.aspx

الخبر حسب ما منشور على موقع صدى البلد

وبنفس الشكل نشر موقع "النهار" بعنوان:

"العثور على 400 هيكل عظمي وأسلحة لجيش فرعون بالبحر الأحمر"

https://www.alnaharegypt.com/275270

ونشره موقع "المصري اليوم" بعدها بـ 3 سنين في 2 أكتوبر 2017 تحت عنوان:

"العثور على بقايا هياكل بشرية قُرب سواحل البحر الأحمر: "هذا يقودنا إلى جيش فرعون"

https://lite.almasryalyoum.com/extra/164754/

الخبر حسب ما منشور على موقع المصري اليوم

وقالت إنها ناقلة الخبر من موقع "سبوتينج" الروسي، وكلفتش نفسها في الخبر برضو تتأكد من صفحة وزارة الآثار أو تتصل بالوزارة أو بدكاترة في كليات الآثار.. رغم حساسية الكلام عن النقطة دي بالذات في التاريخ، وهي اللي بيتروي عن فرعون موسى وبني إسرائيل واستغلال الإسرائيليين ليه في العالم.

والأسوأ من كل دول الانتشار الكبير للخبر على مواقع التواصل الاجتماعي.. كتير نشروه زي ما هو، وقليليين اللي حافظو على أمانة تاريخهم وشرف عقولهم وما اتسرعوش في النشر، ودورو على مصادر مصرية رسمية تأكد أو تنفي الكلام.

ومن اللي اهتموا بتكذيب الخبر الدكتور ميسرة عبد الله حسين، أستاذنا في كلية الآثار جامعة القاهرة على صفحته على فيس بوك:

https://www.facebook.com/maissara.hussein/posts/2781036148625711

يبقى مين بيقرطس الشعب المصري في العالم؟

أعادينا والهكسوس من كل صنف ولون.. ولا إحنا بنقرطس نفسنا رقم (1).. والباقيين مجرد بيتشرو قراطيس تانية يقرطسونا بيها على حس غفلتنا وقلة إحساسنا بقيمتنا وقيمة تاريخنا؟

وربنا ينور بصيرة الجميع

********************

بقلم: إفتكار السيد (نفرتاري أحمس)

من ملفات اتهام الاحتلال للمصريين بالعنصرية.. الرافعي سنة 1949 لهكسوس العصر: أيوة أنا متعصب لمصر

اتهام الاحتلال للمصريين بإنهم عنصريين ومتعصبين وبيكرهو الأجانب تهمة قديمة، من نوع الإرهاب الفكري للمصريين اللي بيطالبو بإنه تكون "مصر للمصريين".

بمناسبة "ممالك النار".. ليه مطلوب إن المصريين يعبدو الاحتلال المملوكي؟

رسومات من النت تظهر مماليك وعربان حولو بالاشتراك مع العثمانلية مصر إلى بكرة دم وتعذيب للمصريين الحقيقيين (الفلاحين)

بمناسبة مسلسل ممالك النار اللي بيتكلم عن الحرب بين المماليك والعثمانلية، وإن في ناس بسببه بتمجد في المماليك وخصوصا طومان باي، وكأنه عشان نقدم إن الاحتلال العثمانلي قد إيه كان بشع لازم قصاده ألمع الاحتلال المملوكي، يعني أكشف احتلال بإني أنصر وأعبد احتلال!

بمناسبة ده في سؤال مهم مصيري لينا إحنا المصريين... 

ليه في مصريين عشان يحاربو احتلال يعبدو احتلال غيره؟

المهم يبقى عندهم احتلال يعبدوه؟

طبعا مش كل المصريين، لكن معظمهم، خصوصا المتعلمين

وهل دول بيبقو المصريين الحقيقيين؟ ولا أساسا بواقي محتلين ما نسيوش أصولهم الأجنبية اللي كانت قبل 1952 وبيحنو للعصور اللي كان فيها الأجانب هما اللي مسيطرين والمصريين مستعبدين ليهم؟

ولا مصريين لكن متقرطسين؟

متقرطسين بتاريخ مزور، ومعلومات كدب، كتب شوية منها الإسلامجية عشان يمجدو أي حاكم أجنبي لمصر، وكتب شوية منها مستوطنين في مصر زي اليمني علي باكثير اللي مجد المماليك في رواية "وإسلاماه"، وكتب شوية منها أحفاد المماليك نفسهم اللي منهم ناس دلوقت شغالين على وسائل التواصل الاجتماعي ينشرو معلومات كذب عن حب المماليك لمصر والمصريين، رغم إن كتب التاريخ المعاصرة للمماليك بتأكد إنه عمر المماليك ما حبو مصر، ولا اعترفو بالمصريين ولا احترموهم..

مثلا ممكن تلاقي واحد يكره الاحتلال العثمانلي بس يمجد في العربي، أو يكره العربي ويمجد العثمانلي، أو يكره العثمانلي ويمجد في المملوكي، أو يكره الاحتلال العلوي (عيلة محمد علي) بس يمجد في الاحتلال الفرنساوي، أو يكره الاحتلال المملوكي بس يمجد في الاحتلال اليوناني!

المهم يعني لازم يبقى عنده احتلال أو اتنين يمجد فيهم؟

ليه يبقوش مصريين أحرار بجد زي أجدادهم ويرجعو لمبدأ إن كل أجنبي حكم مصر هو احتلال، انشالله يكون عاش فيها ألف سنة زي اليونان والرومان، أو مئات السنين زي المماليك والعثمانلية إلخ..

مدام عاشو وهما معتبرين مصر وسية خاصة باليوناني أو الروماني أو العربي أو العثمانلي أو المملوكي أو العلوي أو الإنجليزي إلخ

مدام خلو من نفسهم عرق فوق المصريين، ولمئات السنين حرمو المصريين من الجيش والثروة والمناصب والأرض، وحرموهم حتى حقوق المواطنة، وسموهم "فلاحين" وبس مهمتهم يشتغلو ويزرعو ويبنو القصور والمباني الفخمة بالسخرة والكرباج للمحتلين..

حتى لما دخل الفلاحين الجيش أيام الاحتلال العلوي كان بعد ما محمد علي عصر على نفسه طن لمون، لأنه مالقيش غير الفلاحين ينفعو جنود لما خذله وتآمر عليه عشيرته الألبان والمماليك والعربان إلخ، وكمان خلا الفلاحين جنود بس مش ظباط، وما بقوش ظباط غير بعد وقت طويل جدا، والاحتلال مضطر لده برضو...

صور من إذلال المماليك والعثمانلية للمصريين

حتى نقل ابن تغري بردي أيام الاحتلال المملوكي المنفرد في وصفه لإهلاك المماليك للفلاحين في أعمال السخرة عشان يبنو للمماليك المباني الفخيمة المعروفة إنه وصل الحال لدفن الفلاحين بالحيا تحت التراب لما يقعو من التعب بدل ما يعالجوهم: 

في "النجوم الزاهرة" عن حوادث 738 ه إن الناصر محمد بن قلاوون أمر والي القاهرة بتسخير العامة في مشروع خاص به، ولما جاء المسخرون: "فجدَّوا في العمل ليلا ونهار، واستحثهم أقبغا المذكور بالضرب، وكان ظالما غشوما، فعسف بالرجال وكلفهم السرعة في أعمالهم من غير رخصة، ولا مكنهم ]من[ الاستراحة، وكان الوقت صيفا حارا فهلك جماعة كثيرة منهم في العمل لعجز قدرتهم عما كُلفوه، ومع ذلك كله والولاة تُسخر من تظفر به من العامة، وتسوقه إلى العمل، فكان أحدهم إذا عجز ]و[ ألقى بنفسه إلى الأرض، رمى أصحابه عليه التراب فيموت لوقته، هذا والسلطان يحضر كل يوم حتى ينظر العمل"، ولم يُخفف عنهم إلا حين استغاثوا بالأمير ألطبغا الذي توسط لهم عند السلطان حتى خفف الأمر، ثم تكرر الأمر عند حفر خليج وإنشاء جسر: "وزادوا في ذلك حتى صارت الناس تُؤخذ من المساجد والجوامع والأسواق، فتستر الناس ببيوتهم خوفا من السخرة، ووقع الاجتهاد في العمل، واشتد الاستحثاث، حتى إن الرجل كان يخر إلى الأرض وهو يعمل لعجزه عن الحركة فتردم رفقه عليه الرمل فيموت من ساعته، واتفق هذا لخلائق كثيرة([1])".

---

([1])- النجوم الزاهرة في ملوك مصر والقاهرة، يوسف بن تغري بردي، ج 9، ط1، مرجع سابق، ص 94- 97

وينقل الدكتور سعيد عاشور في كتابه "المجتمع المصري في عصر سلاطين المماليك" عن الكتب المعاصرة للاحتلال المملوكي إن جميع مؤلفات ذلك العصر كان بتتفنن في كسر روح الفلاح، وتحقيره لكسر مقاومته للمماليك، فيصفوه بالجهل والتأخر وخشونة الطبع وقذارة المنظر وبالرذيلة، وكتبوا القصص الطويلة لإثبات أن هذه الصفات متأصلة في الفلاح كما فعل يوسف الشربيني في كتابه "هز القحوف في قصيدة أبي شادوف"، وأبو شادوف إشارة للفلاح([1]).

وإذا صادف أن التقى مملوك رجلا أصله من الريف وصل إلى وظيفة كبيرة غضب المماليك وصاحوا: "ما كان في مماليك السلطان من يعتمد عليه إلا هذا الفلاح!"، وإذا تجرأ من يسمونهم بالعوام على المماليك صاحوا فيه: "اخرس يا فلاح يا كلب"، وإذا ولى أمير مملوكي من المتشددين بعض الأقاليم لا يسمح للفلاحين بلبس مئزر أو ركوب الخيل أو تقلد السيف أو حتى يحمل عصا مجلبة بالحديد([2]).

---

([1])- المجتمع المصري في عصر سلاطين المماليك، سعيد عبد الفتاح عاشور، مرجع سابق، ص 57

([2])- المرجع السابق، ص 57

وكتب محمد أبي السرور البكري في كتابه "النزهة الزكية في ولاة مصر والقاهرة المعزية" تجربته الشخصية وعن حوادث تصرخ لها السموات السبع كان عليها شاهد عيان مع ضريبة، "الطلبة" في سنة 1608، وكان بيفرضها المماليك والعثمانلية سوا على الفلاحين، فقال:

"والطلبة معناها أي الغز ] الأتراك[ يأتون لكاشف الإقليم فيقولون له اكتب لنا على الناحية الفلانية كذا، مما يريدون مثلا، فيقول بأي طريقة اكتب لكم ذلك، فيقولون اكتب أن فلانا اشتكى فلانا من أهالي الناحية الفلانية، فيأمر الكاشف بكتابة ما يقولون ويكتب لهم حق الطريق بقولهم، سواء كان له صحة أو لا، والغالب أن جميع ما يقع من مثل ذلك يكون لا أصل له، بل الجميع لا أصل له، فهذا معنى الطلبة".

وحكى تجربة له: "كان لي بلدة بالمنوفية ومالها ماية ألف نصف فضة؛ فغرمت أنا وأهاليها في الطلبة مائتي ألف نصف فضة، وقد جاء لبلدتنا المذكورة شخص من العسكر بطلبة مذكور فيها أن كرم الناحية اشتكى من المادين تحت وحق الطريق ألف نصف فضة، فحين جاء إلى الناحية فرَّ أهلها جميعا، فرأى إمرأة لها ولدين فأخذهم منها، ووضعهما في الخرج، فحين رأت المرأة ذلك ذهب عقلها، فجاءت له بمصاغها وقالت له هذا يساوي زيادة عن ألف نصف، أخذ المصاغ منها، وأخرج الولاد من الخرج، فإذا هم ميتين، فانظروا إلى هذا التجري الذي ما يفعله كافر بخلاف المسلم، فلا حول ولا قوة إلا بالله العلي العظيم([1])".

---

([1])- النزهة الزكية في ولاة مصر والقاهرة المعزية، محمد بن أبي السرور البكري، ص 185 عن حوادث سنة 1608 م،  تحقيق عبد الرازق عبد الرازق عيسى، العربي للنشر والتوزيع، ط 1، القاهرة، 1998

ويحكي الجبرتي على ضريبة تانية من الضرايب اللي فرضها المماليك والعثمانلية سوا على المصريين وهي "العونة"، وهي شبه السخرة في إجبار الفلاح على حفر القنوات وشيل الطين من الآبار وغيرها في الوسية، فيقول:

 "إن العونة إنما تكون في بلاد الملتزمين التي فيها الأوسية ]الوسية[ وبعض البلاد تكون العونة فيها على رجال معروفين بالبيوت مثلا، فيقولون يخرج من بيت فلان شخص واحد ومن بيت فلان شخصان بحسب ما تقرر عليهم قديما وحديثا، فلا ينفك من عليه العونة منها، وإن مات جعلوها على ولده، وهكذا؛ فهي داهية كبرى على الفلاحين ومصيبة عظمى على البطالين([1])".

---

([1])- المرجع السابق، ص 259

****************************

حجج لتمليع حكم العبيد والجواري

في ناس دلوقت بترجع تلمع في الاحتلال المملوكي بحجة إنهم اتمصرو.. وهما عمرهم ما اتمصرو ولا اعترفو بالفلاحين مواطنين أساسا، وعاشو طول تاريخهم في مصر شايفين نفسهم فوق الفلاحين وبيستعبدوهم ويسخروهم

وفي ناس بتلمعهم بحجة إن طومان باي حاول يمنع الاحتلال العثمانلي من احتلال مصر، واتقتل عشان ده..

طب هو طومان باي حارب العثمانلية عشاني؟ عشان الفلاحين يعني؟

أبدا، هو حاربهم عشان يفضل عرش مصر للمماليك، وعمره نهائيا ما كان هيسلمه للفلاحين ولا يعترف بيهم، وهو قتله العثمانلية زي ما المماليك نفسهم كان عادتهم يقتلو بعض عشان العرش ونهب مصر، ومعروف إن معظم المماليك المشهورين ماتو مقتولين من مماليك زيهم، وكانو بيشوفو إن المملوك الشريف البطل هو اللي يقتل زميله المملوك وياخد مكانه..

طب هو كل محتل يحارب محتل جديد أعمله بطل؟

يعني ينفع اعتبر البطالمة أبطال عشان حاولو يمنعو الرومان يحتلو مصر؟ أو الرومان أبطال عشان حاولو يمنعو العرب يحتلو مصر؟ أو ابن طولون بطل عشان استقل بمصر عن العرب؟ أو المماليك أبطال عشان منعو الأيوبيين من الاستمرار في احتلال مصر؟ أو إن محمد علي بطل عشان حاول يمنع المماليك إنهم يستمرو في احتلال مصر؟ أو إن الإنجليز أبطال عشان حاولو يمعنو الفرنسيس يحتلومصر؟ أو الإنجليز أبطال عشان حاولو يمنعو الألمان في الحرب العالمية يحتلو مصر؟ وهكذا؟

يبقى ليه اعتبر طومان باي والمماليك أبطال عشان حاولو يمنعو الاحتلال العثمانلي؟

كل دول حاربو بعض، سوا الاحتلال اللي كان في مصر أو الاحتلال الجديد الجاي، كلهم حاربو بعض عشان يحتفظو بالنهيبة، مش عشان يحررو مصر ويسلمو عرش مصر وثرواتها وأرضها للمصريين، المصريين الحقيقيين، الفلاحين، اللي مكنش نصيبهم في كل المعارك دي غير يتاخد من عرقهم ودمهم لتمويل الحروب، ولما يفكرو يعملو ثورات ضد اللي بيحتلهم الاحتلال يحاربهم ويقتلهم ويدبحهم بالظبط زي ما عمل مع منافسيه من المحتلين..

المفروض أعمل ملخص للاحتلال المملوكي عشان نرد على محاولة تلميع الاحتلال المملوكي من تاني، لكن مشغولة في كذا حاجة، وهكتفي الأيام دي إني أنزل كتب ومراجع للي عايز ويقرا ويحكم بنفسه بعيد عن لعب المسلسلات بعقول وحرية وتاريخ المصريين..

ده أول كتاب..

كتاب "نكبة توطين الهكسوس"، جمعت فيه شهادات المؤرخين المعاصرين للاحتلال المملوكي والاحتلال العثمانلي، زي ابن تغري بردي، وابن إياس، والمقريزي، والجبرتي، وغيرهم، وشهادات الرحالة اللي عاشو في مصر فترة أيام الاحتلالين، واللي بتعرفنا كويس إيه هي أخلاق المماليك والعثمانلية، وإيه عملوه في المصريين، وهل يستحق حد في المماليك يتقال عليه بطل ! أو يتقال عليه مصري بالمعني المصري الحقيقي اللي نعرفه؟

ونخلي بالنا... إن الاحتلال المملوكي ما انتهاش بقتل طومان باي ودخول الاحتلال العثمانلي..

لأن المماليك قعدو يشاركو الاحتلال العثمانلي الحكم، فكان للعثمانيين منصب الوالي وفرق الإنكشارية، وللمماليك مناصب الكشاف والبكوات، يعني زي منصب المحافظ دلوقت، وليهم فرقهم المرتزقة بتاعتهم وبتتكون من مماليك زيهم برضو، وبقو هما اللي مسيطرين على الأراضي والوسيات، وبقى الاحتلال في مصر مزدوج، عثمانلي مملوكي، جنب الاحتلال الجالياتي، يعني الجاليات الشامية والمغربية والعربان ويهود وغيرهم من ناس كانت بتيجي تعيش على قفا الاحتلال وتساعده في خنق المصريين..

يعني الكوارث اللي شربت مرارتها مصر أيام الاحتلال العثمانلي كان المشارك الأكبر فيها المماليك، لأنهم هما اللي كانو متحكمين في مصر وقتها أكتر من العثمانلية نفسهم...

حتى صدق فيهم كلمة الشيخ الأزهري علي الصعيدي للمملوكي يوسف بيك نايب محمد أبو الدهب ونقلها الجبرتي في كتابه "تراجم الأخبار": "لعنك الله، ولعن اليسرجي الذي جاء بك، ومن باعك، ومن اشتراك، ومن جعلك أميرا" 

فهرس الاحتلال المملوكي والاحتلال العثمانلي في الكتاب

المشهد 14: الاحتلال المملوكي (حكم العبيد والجواري الثاني/ القناع الثالث)

▼▼▼ الجيش في الاحتلال المملوكي (مماليك) 287

♣♣♣ السكان وتعريف المصري في الاحتلال المملوكي. 288

▼▼▼ نتائج الاحتلال المملوكي الثاني لمصر 292

❶ العبيد يحكمون الأحرار.. شهقة التاريخ. 292

❷ مصر تحت سلطان المليشيات والعصابات.. 293

❸ تفشي الحزبية في الحكم.. وتعدد الرايات.. 294

❹ انتشار اللواط (الفجور) في دايرة الحكم 294

❺ جلب المخدرات وانتشار الحانات.. 296

❻ ظهور بدعة شراء المناصب العليا 297

❼ تورم جديد للمذهبية (صراع مذاهب السُنَّة الأربعة) 297

❽ أبجني تجدني.. دستور الحكم 298

❾ بشاعة أساليب التعذيب والانتقام.. للخصوم وللرعية. 299

❿ السلب والنهب.. الحرفة الأولى لـ"الأِشراف". 301

⓫ تفشي الحركات والجماعات السرية (الطرق الصوفية/ الآلهة الجدد) 302

⓬ تضخيم الولاء للأجنبي باسم الدين.. (تقديس شيخ الطريقة) 306

⓭ حملة على الآثار المصرية وأبو الهول. 307

⓮ توزيع أرض مصر على المحتلين والمستوطنين. 307

⓯ كيف اختفى ملايين المصريين؟. 308

▼▼▼ سقوط دولة العبيد والجواري. 310

المشهد 15: الاحتلال العثمانلي (الهمج) 314

(تاريخ الترك مع مصر) 314

▼▼▼ الجيش في الاحتلال العثمالي (أوجاقات عثمانلية- مماليك) 315

♣♣♣ السكان وتعريف المصري في الاحتلال العثمانلي. 316

▼▼▼نضوج اللغة المصرية الحديثة (الدارجة) 323

▼▼▼ نتائج الاحتلال العثمانلي لمصر 325

❶ الافتتاحية... مذبحة الـ 10 آلاف.. 326

❷ سرقة وتجريف الصناعات والحرف المصرية. 326

❸ استمرار نهب آثار مصر كغنيمة حرب.. 327

❹ سيطرة "رجال الأعمال الدوليين" على تجارة مصر. 327

❺- تحقير الفلاح لكسر عينه وروحه. 329

❻ تضخم جريمة بيع المناصب.. 332

❼ العثمانلية.. صيت عالمي في الفجور واللواط. 332

❽ من أين جاءت عادة "أخد التار" بين العائلات؟. 333

❾ زيادة نشر العصبية المذهبية بين المسلمين. 335

❿ فتح البلاد للإرساليات التبشيرية المعادية للكنيسة المصرية. 336

⓫ تضخم الطرق الصوفية والدجل لكسر إرادة مقاومة الأجنبي. 336

⓬ توزيع أرض مصر على المحتلين والمستوطنين. 339

⓭ نزف المصريين الجزية والخراج والسخرة للأجنبي. 340

⓮ حصد أرواح المصريين بالمجاعات والأوبئة. 347

⓯ تشرد المصريين في عيشة المطاريد 348

♦♦♦ لماذا لم ننتحر؟ 350

جنة ترعاها الخنازير (الحلاليف) 351

▲▲▲ أين الثورات الكبرى؟

-------------------------------------------

تنزيل الكتاب رابط واحد

و مصدر تاني للتنزيل

تنزيل الكتاب رابط اتنين

وصدق عبد الرحمن الأبنودي لما قال :

حكموكى ما حكموكى

برضه المصرى مصرى               والمملوك مملوكى

إوعى تباتى حزينــــــة              يا حـــــرة يا زينــــة

لو ربطوا إيدينـــــــــــا                بكـره نحرروكـــــى

من السلطان والوالى                والعهد المملوكى

بقلم: إفتكار البنداري السيد (نفرتاري أحمس)