مصلحة "النظام العالمي" من توطين الهجرات في مصر والعالم (كتب ومراجع)

كتير مننا قرا عن "تنظيم النورانيين"، أو "المتنورين"- والصح يتسمو "الناريين"- اللي بيحكم العالم عن طريق المحافل الماسونية، ومنظمات المجتمع المدني، ومنظمات حقوق الأقليات، ومنظمات حقوق المرأة، وشبكات الإعلام العالمي، والشركات متعددة أو متعدية الجنسيات، والاستثمارات الأجنبية.

كاريكاتير في الصحافة الأوروبية 1894 لإخطبوط عيلة روتشيلد في العالم ولما وصلت لمصر
مصدر الصورة: https://atlanticsentinel.com/

وإن التنظيم العالمي ده هو الأب الكبير اللي فرَّخ التنظيمات العالمية زي الشيوعية والإخوان المسلمين والليبراليين الرأسماليين والصهيونية، بخلاف سيطرته على الفاتيكان والأمم المتحدة، إلخ.

وإن هدف التنظيم من ده كله هو إنه هو لوحده يحكم العالم، ويستعبد بقية الشعوب، ويلغي كل الحدود والهويات عن طريق إنه يبقى في حكومة واحدة في العالم، جيش واحد، لغة واحدة، دين واحد، هوية واحدة، ودستور واحد، وكل دول (اللغة والدين والدستور والهوية ونظام الحكم إلخ) اللي هيخترعهم ويحددهم هما صحاب التنظيم ده، ويلزمو بيهم بقية الشعوب.
وإنه عشان يوصل للمرحلة دي لازم الشعوب دي أساسا تفقد الإيمان بالحدود والأوطان وهويتهم الخاصة، وتتدمر الجيوش والحكومات الوطنية، فينتشر الإرهاب والفساد والرعب وعدم الثقة في كل مكان، لحد ما تؤمن كل الشعوب إن مالهاش نجاة غير تحت حكم التنظيم القوي لما يطلع في مشهد النهاية ويعلن عن نفسه حاكم أوحد للعالم وإنه هو المنقذ ليهم من كل الرعب ده. وإن أبرز الأسامي المعروفة- لحد دلوقت- من التنظيم ده، هي عيلة روتشيلد، روكفلر، أوبنهايم، إلخ اللي سيطرو خلال الـ 250 سنة اللي فاتو على الاقتصاد والإعلام من خلال الربا وبيوت المال "البنوك العالمية"، وبعدين لما اخترعو الأمم المتحدة خلوها وسيلة سيطرة "قانونية" على العالم، دراعاتها هي صندوق النقد الدولي، والبنك الدولي، ومنظمة العفو الدولية، ومفوضية اللاجئين، ومجلس الأمن إلخ

كاريكاتير نشرته الصحافة في فرانكفورت 1848 يصور روتشيلد وورائه أكياس الذهب المكدسة، وأمامه ملوك أوروبا راكعين يتوسلون ليعطيهم قروضا لتمويل حروبهم أوإعادة إعمار بلادهم المدمرة (المصدر: كتاب "مخلوق من جزيرة جيكل وتمويل المؤامرة" لإدوارد جريفين)

(حقيقة ولا خيال)

وفينا اللي بيصدق الكلام ده وفينا اللي مش بيصدقه. في العموم.. وأنا بعمل أبحاثي لكتابي عن تاريخ الهجرات الأجنبية لمصر، ومين وراها، والهجرات في العالم عموما، عترت في الكتب اللي بتتكلم عن تنظيم الناريين ده "النورانيين"، واللي كتبها- في مراحل مختلفة من التاريخ الحديث- ناس أوروبيين وأمريكان، منهم اللي كانو قريبين منه أصلا ومن المحافل الماسونية إلخ، فاللي لفت نظري حاجتين: 1- إن التنظيم العالمي ده كان ضمن أسلحته الدايمة في احتلال اقتصاد أي بلد، ونشر الفساد فيها، ونشر الفتن والحروب بين أهلها، لحد تدميرها أو احتلالها، كان إنهم بيحدفو عليها في الأول هجرة أجنبية، ويدعمو الهجرة دي بالمال والمعونات والصعبانيات إلخ، وممكن تاريخ مزور عن وجود أجداد ليهم في البلد ده كانو من زمن طويل، وهما راجعين لوطنهم مش أجانب، ويساعدوها توصل لأعلى المناصب. زي ما عملو بتهجير أجانب لإنجلترا قبل الحرب الأهلية "الثورة الإنجليزية 1642"، وزي ما رحَّلو يهود من أوروبا لأمريكا باسم لاجئين هربانين من المدابح في أوروبا في القرن 19، وزي ما عملو بتهجير أوروبيين ويهود وشوام وأرمن لمصر أيام عيلة محمد علي بحجة لاجئين أو عمالة ماهرة أو خبرا ومستشارين وسلموها للفساد والقروض والإفلاس وبعدها للاحتلال الإنجليزي 1882 بعد دبح ثورة 1881 اللي قادها عرابي عشان رفعت راية مصر للمصريين.

دزرائيلي رئيس وزرا إنجلترا بعد استيلائه على نصيب مصر في قناة السويس 1875 بعد تكتيفها بالقروض، وواقف ماسك مفتاح المنطقة قصاد أبو الهول (مصدر الصورة: https://www.gettyimages.dk/)

2- ولقيت إن كتير من الخطط اللي قالت الكتب دي في فترات قديمة إن التنظيم العالمي بيدبرها للعالم اتحقق كتير منها فعلا، سوا اللي خاص بنشر الحروب الأهلية أو الدولية في العالم، زيادة الهجرات، نشر الفساد والفجور عن طريق الإعلام، حملات تكريه الشعوب في الأوطان والجيوش الوطنية والدين، احتلال البلاد عن طريق القروض والاستثمارات الأجنبية، صناعة ونشر تنظيمات التطرف الديني إلخ، كل ده حصل على الأرض حقيقي. فأنا ليا من الكتب دي اللي حصل منها واتطبق على الأرض فعلا، وخصوصا طبعا في مصر.

اللاجئين الأرمن لما بعتتهم أوروبا لمصر ضمن طوفان أجانب
 (مصدر الصورة: auroraprize.com)

(توطين الهجرات الأجنبية مؤامرة دولية)

وعلى الأساس ده، فلما قلنا إن "توطين اللاجئين مؤامرة دولية"، أو توطين هجرات أجنبية عموما تحت أي اسم، ده مكنش من فراغ، ولا تخمين، لكن نتيجة أبحاث سنين، ودراسة تجارب الهجرة الأجنبية في العالم، وتجارب الهجرة لمصر، وليه دايما بتركز التنظيمات العالمية على دعم الأجانب باسم لاجئين ومستثمرين ومضطهدين وأقليات إلخ.. والعينة بينة.. (الدعم الدولي لتوطين وتجنيس الأجانب في مصر) نقدر نلاحظ ده كويس جدا إن كل حاجة اسمها تنظيم دولي بتدعم توطين اللاجئين وتجنيس الأجانب، ولكل تنظيم حجته (الإخوة الإنسانية، إخوة الدين، التسامح، حقوق المرأة والطفل والمهمشين، احترام الاختلاف والتعددية، عالم واحد، إلخ)، ومنها: 1- تنظيم الإخوان الدولي 2- الشيوعيين واليساريين 3- الليبراليين والرأسماليين ورجال الأعمال الكبار 4- الشيعة (خصوصا في بلاد لسة سيطرش عليها الشيعة) 5- المحافل الماسونية أو ورثتها زي أندية الروتاري والليونز إلخ 6- الأمم المتحدة ومنظماتها زي مفوضية اللاجئين ومنظمة العفو الدولية 7- المنظمات الدولية غير الحكومية زي هيومان رايتس وواتش 8- منظمات المجتمع المدني اللي ليها علاقات بتنظيمات أو دول أجنبية زي كتير من منظمات حقوق المرأة، منظمات رعاية الأقليات، منظمات بستارة خيرية زي جمعية رسالة 9- الشركات متعددة الجنسيات (وفي اللي بيكتبها متعدية الجنسيات بمعنى مش بتعترف بجنسية معينة ولا وطن) سوا منها الاقتصادية زي كوكاكولا وبيبسي أو معلوماتية وتكنولوجية زي فيس بوك وتويتر، إلخ 10- الجامعات الأجنبية، فمن سياستها في التعليم تقريب مفهوم "المواطن العالمي" يعني اللي مالوش هوية معينة وتمجيده عن المواطن ابن هوية وبلد معينة 11- القوميين العرب، وخصوصا أتباع التنظيمات والأحزاب القومية، سوا السرية أو العلنية (مش مقصود بيهم جمال عبد الناصر أو الناس العادية اللي تعرفش من القومية العربية إلا التضامن بين شعوب المنطقة) لكن مقصود بيهم الناس اللي صنعو واخترعو القومية العربية بداية من القرن 20، وأكترهم شوام، وأخدوها جيل ورا جيل ستارة لإعلان الدولة العربية الكبرى اللي خطط ليها "جماعة الكتاب الأحمر"، و"حركة القوميين العرب"، و"حزب البعث" في التلاتينات والأربعينات للسيطرة على المنطقة ومحو هوياتها الأصلية لصالح العروبة. 12- فنانين ونجوم رياضة ورجال أعمال، ورموز مجتمع مشهورين وليهم تأثير، بيتصدرو للدفاع عن توطين وتجنيس الأجانب في بلادهم، وبيهتمو بالجواز منهم، وحجتهم في ده "الإخوة"، و"الإنسانية"، و"احترام الاختلاف والتعددية الثقافية"، وغالبا المشاهير دول بيكونو أعضاء للجمعيات والمحافل اللي ليها واجهة لامعة، زي الروتاري والليونز، وجمعيات نشر السلام العالمي، أو شغلهم بيرتبط بشركات متعددة الجنسيات.

إلخ.. فكل دول بيشتركو في فكرة "خطة السيطرة" على منطقة أو على العالم، والسيطرة الإقليمية والعالمية دي مش هتكون إلا بقتل واغتيال الهويات والأوطان، فما يكونشي في مقاومة، والقتل والاغتيال ده من وسايله، غرس كتل أجنبية وسط ولاد البلد، وتلميع الأجنبي وتوطينه وتجنيسه وتسليمه الاقتصاد والإعلام وأهم المناصب، واتهام ابن البلد بالعنصرية والقسوة والتخلف إلخ إن رفض وقاوم..

(المراجع والمصادر والتحذيرات)

ودي عينة من المراجع للي حابب يقرا ويكون رأيه بنفسه.. (كلها ليها لينكات تحميل على الإنترنت) وطبعا اللي يتبحر في القراية هيلاقي عشرات المراجع غيرها، والمترجم منها متوفر على النت برضو النسخ الأصلية بلغته الأجنبية. وكلها صحابها جمعو فيه اللي قدرو عليه من معلومات وخبرات، واعتبروها صرخات بيحذرو فيها أوطانهم، والعالم كله، من مخططات تضييع أوطانهم تحت شعارات "إنسانية"، و"دينية". ويصح قرايتها بالترتيب اللي هينزلو بيه، علشان كل كتاب بيسلم للي بعده مرحلة مرحلة؛ فالمشوار التاريخي للأحداث بيكون أوضح.. 1- كتاب "أحجار على رقعة الشطرنج"، بقلم ظابط المخابرات الكندي وليام جي كار، ترجمة سعيد جزائرلي صدر في الخمسينات، لظابط مخابرات بيحكي تجربته خلال تعامله مع المحافل الماسونية، وشخصيات في مراكز القرار وقت اشتراكه في الحرب العالمية، وإزاي إنه بعد ما لاحظ إن الحرب بتدار من خلال صوابع قليلة لشخصيات قليلة كأن في ناس بتحركها من ورا الستارة، قضى سنين طويلة من عمره يبحث في تاريخ الحروب والثورات والتنظيمات السرية، لحد ما عرف دور تنظيم مشهور في أوروبا باسم "النورانيين" في إدارة اقتصاد العالم وحروبه وإعلامه. واتكلم عن بداية التنظيم في التاريخ القديم، وعلاقته بظهور الربا على إيدين اليهود وغيرهم قبل وأيام الرومان، وظهوره مستخبي في اسم بيوت المال أو بنوك الربا بداية من القرن الـ 18 في ألمانيا وفرنسا، أو ورا ستارة المحافل الماسونية، وإزاي كان بيستخدم المهاجرين الأجانب + التجنيس + البنوك والاستثمار الأجنبي + الجمعيات الخيرية والستارة الإنسانية + إفساد الأخلاق بالإعلام، كأسلحة عشان يسيطر على البلاد المطلوبة من جواها

2- كتاب الشيطان أمير العالم، بقلم ظابط المخابرات الكندي وليام جي كار، ترجمة عماد إبراهيم لنفس كاتب الكتاب الأول، وهو امتداد ليه واستكمال للشرح والمعلومات اللي فيه، وبيركز على دور التنظيم في صناعة الحربين العالمية الأولانية والتانية، ودوره في الثورة العالمية التالتة اللي هتكون مقرها منطقة الشرق الأوسط وصناعة التنظيمات المتطرفة دينيا وتحطيم الجيوش الوطنية والأوطان إلخ، وإزاي سيطر التنظيم العالمي على أمريكا عن طريق المهاجرين اليهود وغيرهم.

3- كتاب "مخطط المتنورين" للمخرج الأمريكي والباحث مايرون فاجان، ترجمة علاء الحلبي (نسخة إلكتروني) صدر سنة 1967 وهو للمخرج الأمريكي فاجان، يحكي عن تجربة اتصاله بشخصيات تبع تنظيم الناريين "المتنورين" خلال شغله الفني، وإيه خلاه شك فيهم، ولإيه وصل في أبحاثه عنهم، خصوصا إزاي استخدمو اللاجئين اليهود اللي بعتوهم من أوروبا لأمريكا باسم "مضطهدين" في السيطرة على اقتصاد وإعلام أمريكا من جواها بعد ما أخدو الجنسيات، وإزاي كان رجال الأعمال والجمعيات الخيرية اللي تبع التنظيم العالمي بتدعمهم لحد ما أخدو أكبر المناصب في بنك الاحتياطي الفيدرالي والكونجرس والرئاسة ومراكز الأبحاث اللي بتعمل دراسات السياسة الدولية. والكتاب ده يعتبر تطبيق عملي لتجربة من اللي شاورت عليها كتب وليام جي كار.

4- كتاب "من نحن؟ المناظرة الكبرى حول أمريكا"، بقلم صمويل هنتنجتون، ترجمة أحمد مختار الجمال، صدر 2004 بيحذر الكتاب من إن استمرار فتح باب الهجرات لأمريكا بيمنعها من إنها تكون هوية خاصة بيها، الهوية اللي كانت بدأت تتشكل لما كانت حاصرة الهجرة ليها على الأوروبيين من غرب أوروبا (بريطانيا وألمانيا)، لأن المهاجرين كانو بيض وبروتستانت. لكن بداية من نهاية القرن 19 وأول القرن 20 لما اتفتح الباب واسع لهجرة اليهود والصينيين وشعوب أمريكا اللاتينية والعرب والهنود إلخ، حصل إن أمريكا بتتحول لتكتلات من الهويات المتصارعة، ومصالحها ضد بعضها، وولاءاتها لدول أجنبية. وبيرصد هنتنجتون إن اللي بيشجع ده ويشرف عليه الشركات متعدية الجنسيات، ورجال أعمال كبار، ومنظمات دولية، والتنظيم العالمي السري، والواجهة بتاعتهم الجمعيات الخيرية، وفنانين مشهورين، والمنظمات والجامعات اللي بتنشر فكر "احترام الاختلاف"، و"احترام التنوع الثقافي والتعددية الثقافية"، لكن هدفهم الحقيقي تحويل أمريكا لدويلات في المستقبل، فيسهل تفجيرها من جواها وقت ما يكونو عايزين يتخلصو منها.

5- كتاب "الاستيطان الأجنبي في العالم العربي"، لـ عبد المالك التميمي، صدر 1983 بيتكلم عن تجربة الاستيطان الأوروبي في شمال أفريقيا وقت الاحتلال الفرنسي والإيطالي، والاستيطان اليهودي في فلسطين وقت الاحتلال العثمانلي والإنجليزي، والهجرة الآسيوية للخليج تحت اسم العمالة الوافدة. وبيرصد وسايل حدف المهاجرين، ودور البنوك الأجنبية في ده، وإن الهدف جنب السيطرة على الاقتصاد عن طريق تسليمه للمستوطنين، هو تقليل عدد السكان الأصليين وكسر مقاومتهم، وتحويل هوية البلاد إلى هوية مختلفة، إلخ.

6- كتاب "نكبة توطين الهكسوس- النكبة المصرية"، لـ إفتكار البنداري السيد، صدر 2019 بيرصد تاريخ الهجرات الأجنبية لمصر من التاريخ القديم لحد 1952، وأسبابها، وإمتى سمح بيها المصريين وإمتى كانو مغصوبين عليها، ودورها في حدف مصر للاحتلالات وطول زمن الاحتلالات، ودورها في تضييع الهوية المصرية العريقة. وبيتابع دور التنظيم العالمي "الناريين/النورانيين" وبيوت مال روتشيلد وأوبنهايم في تسليم مصر للاحتلال الإنجليزي عن طريق شركات الاستثمار الأجنبي، وإغراء الحكام بالقروض لعمل مشاريع مطلوبة أو مش مطلوبة، وحدف الهجرات الأوروبية والشامية واليهودية لمصر في القرن 19، وتجنيس المستوطنين القدام من العربان وبواقي المماليك والترك، وتسليم المستوطنين القدام والجداد الاقتصاد والأرض والقروض والبنوك الأجنبية والبرلمان والمناصب الكبيرة وإدارة الآثار إلخ.

(محاولات الإجابة على أسئلة مصرية عسيرة بعد 2011) وقراية كل اللي فات ده مش ترفيه، ولا زيادة ثقافة، لكن لأنه بيفسر ويوضح الصورة ويجاوب على أسئلة ناس كتير مننا، حوالين: 1- إيه سبب الحدفة الكبيرة لطوفان من الأجانب متعددين الجنسيات والمذاهب والطوايف على بلاد معينة، وخصوصا مصر، وفي فترة قصيرة، خصوصا بداية من 2011 تحت اسم لاجئين، مستثمرين وتجار شاطرين، عمالة، عرايس وعرسان، إلخ 2- إيه سبب الدعم الرهيب من تنظيمات أساسا تبان في الظاهر عكس بعضها، لكنها متحالفة ومتفقة في دعم توطين الأجانب في مصر، زي تنظيم الإخوان المسلمين والسلفيين والاشتراكيين الثوريين وحركة 6 أبريل والشيوعيين واليساريين والعروبيين ورجال الأعمال الكبار، والرأسماليين، والشركات الأجنبية، مفوضية اللاجئين، منظمة هيومان رايتس وواتش، ومنظمات المجتمع المدني زي الجمعيات الخيرية ومنظمات حقوق المرأة والطفل ، وفنانين ولعيبة مشهورين، ونواب في البرلمان، ووزرا في الحكومة إلخ.
3- إيه سبب حمى انتشار كلمة "احترام الاختلاف"، "احترام التعددية الثقافية" في مصر، ومش خاصة بالكلام عن احترام اختلاف بين المصريين، لكن مقصود بيها احترام وقبول "تعددية" الأعراق والأجناس والمذاهب في مصر، وعمل أنشطة وندوات واحتفاليات ومؤتمرات إلخ بتشرف عليها وزارات وجامعات ومكتبات كبيرة زي مكتبة الإسكندرية ومنظمات مجتمع مدني إلخ، للجمع بين المصريين والأجانب اللي جايين مصر بنية الاستيطان، وتقديمهم في صورة إن هما دول "مصر".

المستوطنات السورية والأفريقية والفلسطينية والليبية واليمنية إلخ تنتشر في مصر منذ 2011

4- إيه سبب الانتشار السريع والمنظم للأجانب في محافظات وقرى مصر وفي وقت قصير، وفي وقت قصير برضو، 6 سنين، يقع في إيدهم طوفان من المحلات والبيوت والمصانع والعمارات والشوارع والأحياء، ويسيطرو على الأسعار والأسواق وفي طريقهم لاحتكار كتير من السلع، ولما المصريين يسألو عن السبب، ما يلاقوش إجابة غير "إن اللاجئين والأجانب تجار شطار وبيحبو الشغل". 5- إيه سبب حملات التحريض على الجواز بين مصريين وأجانب اللي اتبناها جماعات دينية وليبرالجية من بعد 2011، مصحوبة بحملات قايم عليها اللي بيسمو نفسها أنصار المرأة لتحريض الستات المصرية على الجواز بأجانب، وظهور صفحات تانية لتحريض الرجالة المصرية على الجواز من أجنبيات. 6- إيه سبب حشر مادة تجنيس الأجانب ولاد المصرية بمجرد الولادة في تعديلات الدستور 2014 ؟ 7- إيه سبب تقديم رجال أعمال مشبوهين ونواب في البرلمان- منهم اللي متجوز أجنبيات زي إيهاب غطاطي وغيره- لمشروع قانون بيع الجنسية المصرية (لأول مرة في التاريخ) وعمل تسعيرة ليها مقابل استثمار وشراء عقار، والحجة أزمة الدولار ومحتاجين فلوس، والحكومة صدقت عليه فعلا في 31 يوليو 2019. 8- إيه سبب حملات الترهيب الشديدة لأي مصري يقول "مصر للمصريين"، ويرفض توطين وتجنيس وتمليك الأجانب، ورميه بتهم إنه "حقود"، "غيران من الأجانب"، أو يتوصف بإنه "عنصري"، رغم إنه بيحصل تشجيع للأجانب إنهم يكونو عنصريين ويحتفظو بهوياتهم ويفرضوها على مصر. 9- إيه سبب البرامج اللي اتملت بيها الفضائيات والجرانين وبتقدم الاحتلالات السابقة لمصر على إنها كانت "أيام سعيدة"، سوا الاحتلال الإنجليزي أو اليوناني إلخ، ويتجاب جنسيات أجنبية من اللي كانت محتلة مصر قبل 1952 يتكلمو عن "أفضالهم" على مصر، وإن مصر كانت لما كانت في إيديهم "أفضل"، والحكومة تعملهم حملات علشان يرجعو مصر ويحتلوها من تاني تحت اسم "جذور" اللي بتقدم اليونانيين مثلا على إنهم "أصحاب" الإسكندرية وحقهم يرجعولها إلخ 10- إيه سبب إنه فجأة اهتم الإعلام بتشجيع الثقافة البدوية، وبقى يعمل مهرجانات واحتفالات تشرف عليها الحكومة، زي مهرجان "الهجن الدولي"، و"احتفالية القبائل والعائلات المصرية" في يناير 2020 اللي بتقدم مصر على إنها "بدوية"، وإنها "قبائل وعشاير"- لأول مرة في التاريخ- ويتسمح لأبناء قبائل إنهم يفتخرو بالنسب الأجنبي (أصول قبايلهم في الخليج والمغرب واليمن إلخ)، بدل ما يُعتبر ده إهانة لمصر وخيانة لأنه اعتزاز بالأجنبي على حساب الوطن، وتقسيم ولاءات، ونقل لصراعات إقليمية وطائفية وقَبلية لجوة مصر، وبدل من إنه يتعمل مناهج وحملات لتمصير الناس دي، ويبقو مصريين فلاحين مش يبقو عرب وبدو تبع اللي برة الحدود. 11- إيه سبب السكوت على تشريخ مصر- لأول مرة في التاريخ- لجماعات وأعراق وطوايف، سوا بغرس الأعراق والطوايف دي غرس عن طريق توطين أجانب جدد باسم لاجئين وعمالة والزواج والتجنيس، أو عن طريق إحياء نعرات أجنبية جوة ناس عايشة في مصر من زمن طويل، والمفروض يكونو نسيو أصول أجنبية قديمة، فتتحول مصر- لأول مرة- لأعراق وقبايل وطوايف تاكل بعضها في أي صراع على النفوذ، أو لخدمة مصالح البلاد الأجنبية اللي جاية منها، وينتهي أكتر ما بتفتخر بيه مصر في تاريخها، إنها شعب واحد، لون واحد، نسيج واحد، كتلة واحدة، ليهاش أي انتماء لأي حاجة برة الحدود؟ إيه السبب؟ والنهاية.. هتسقط مصر في إيد مين المرة دي؟

كاريكاتير أوروبي منشور 10 يونيو 1882 في عز الثورة المصرية أيام عرابي، لجون بول، من حكومة إنجلترا، يحارب التمساح المصري استعدادا لاحتلال مصر
(مصدر الصورة: /www.gettyimages.dk)

كاريكاتير أوروبي يصور روتشيلد يقدم مشروبا مغريا لتماسيح النيل، كناية عن قروضه المشئومة لمصر في القرن 19 كوسيلة لاحتلال بجانب توطين الأجانب

(مصدر الصورة موقع عائلة روتشيلد www.rothschildarchive.org)

وهل نسينا إن الضمانة الوحيدة اللي كانت بتخلي المصريين يقومو بعد الاحتلالات ويتحررو هي إنهم "كتلة واحدة" بلون واحد، فلاحين ليس إلا، وإنهم لو اتحولو لأعراق وطوايف وقبايل وتعددية هويات.. فمش هيكون ليهم قومة تاني بتاتا؟

مصر شعب فلاح واحد من الأزل للأبد (مصدر الصورة: كتاب نكبة توطين الهكسوس)

احتفاظ المصريين بإنهم شعب واحد لون واحد (اشتهر باسم كيمتي أيام الأجداد وبالفلاح أيام الاحتلالات) كان الضمانة الوحيدة لعمل حضارة عظيمة محمية من الحروب الأهلية والقَبلية والطائفية الكتيرة، والضمانة الوحيدة للتحرير من الاحتلالات والاستيطان الأجنبي، لأنهم رفضو هضم الأجنبي الدخيل ورفضو التقسيم والتلوين.

 وربنا ينور بصيرة الجميع بقلم: إفتكار البنداري السيد
___________________

 مصادر إضافية خاصة بالصور:

 - كاريكاتير في الصحافة الأوروبية 1894 لإخطبوط عيلة روتشيلد في العالم ولما وصلت لمصر https://atlanticsentinel.com/2017/08/the-octopus-in-political- cartoons/1894-english-octopus-cartoon/ 
 - دزرائيلي بعد استيلائه على نصيب مصر في قناة السويس 1875 يقول إنه ملك المفتاح إلى الهند https://www.gettyimages.dk/detail/news-photo/earl-of-beaconsfield-21-12-1804-19-04-1881-statesman-news-photo/541073505?adppopup=true 
 - جون بول يحارب التمساح المصري في 10 يونيو 1882 https://www.gettyimages.dk/detail/news-photo/hold-on-1882-john-bull-and-a-sailor-struggle-to-manage-a-news-photo/463930441?adppopup=true 
 - اللاجئين الأرمن في مصر بعد الحرب العالمية الأولانية https://auroraprize.com/en/aurora/article/multimedia/10514/armenians-thank-peoples-middle-east-0

تصنيف : الباقي من صفاء الهوية المصرية,الهكسوس والنظام العالمي الجديد,عين الفلاح,كتاب نكبة توطين الهكسوس,هكسوس العصر