المنظمات الدولية تبتز مصر بورقة اللاجئين

في أيام الاحتلالات المباشرة، زي الاحتلال الإنجليزي قبل 1952 مثلا

كانت جيوش الاحتلال والقنصليات هي اللي بتقوم بدور رعاية وحماية الجاليات الأجنبية، واستغلالها في تبرير الاحتلال، وهو إنه موجود في مصر مثلا لـ"حماية الأجانب والأقليات"..

صورة من خبر منشور على موقع الأمم المتحدة

ومعلوم إن ده كان سبب من الأسباب اللي أعلنها نابليون للغزو الفرنسي لمصر (حماية التجار الفرنسيس من المماليك)، وسبب من الأسباب اللي أعلنها الجيش الإنجليزي وقت غزوه لمصر (حماية اليونانيين والمالطيين والإنجليز وغيرهم من "تعصب" المصريين حسب وصف الاحتلال)...
ومعلوم إن الجاليات دي استقبلت الغزو الفرنسي وبعده الغزو الإنجليزي بكل ترحاب، وشاركو معاه في قتل أولاد البلد وإذلالهم..
وحتى في تصريح 28 فبراير 1922 كان اعتراف الإنجليز باستقلال مصر شكلي وناقص، عشان التحفظات الأربعة اللي حطوها عشان يبررو استمرار جيش الاحتلال وتدخلاته، ومنها "حماية المصالح الأجنبية والأقليات في مصر"

بعد ظهور الأمم المتحدة ومنظماتها، وجلاء جيوش الاحتلال العسكري، بقت المنظمات الدولية هي الراعي الأول للجاليات الأجنبية، بس مش أي جاليات، لكن الجاليات المطلوب غرسها واستيطانها في البلاد المستهدفة، باسم لاجئين أو مهاجرين (هكسوس العصر)، يكونو دراع للاحتلال اللي مش مباشر...

وزي ما كانت الجاليات الأجنبية قبل 1952 بتستقوي بالقنصليات وجيش الاحتلال ضد أولاد البلد، دلوقت بتستقوى- خصوصا اللي داخلين باسم لاجئين أو مهاجرين أو عمالة إلخ، بالمنظمات الدولية وفروعها علشان تضغط على الحكومة المصرية، وتدي الأجانب امتيازات أكتر وأكتر بحجة إنهم "مضطهدين" أو "مستضعفين" إلخ

تويتات من حساب منظمة العفو الدولية على تويتر

وطبعا الكلام ده مش بيحصل في مصر بس، لكن بتستخدمه المنظمات والتنظيمات الدولية في دول كتير لإجبارها على تقديم امتيازات للأجانب اللي هيكون ولائهم في النهاية مهما حصل للمنظمات والتنظيمات دي، مش لأهل البلد، فيكونو وسيلة للسيطرة على البلاد من جواها...

في الصور أمثلة للابتزاز اللي بتعمله منظمة العفو الدولية من 2010 لمصر بملف اللاجئين، ولشكاوى بيبعتها سوادنيين وسوريين وناس من عصابة الإخوان للمنظمات الدولية للاستقواء بيها ضد مصر.

سوداني بيستقوي بمنظمة العفو الدولية ضد مصر، والصورة من تويتر

ابتزاز مصر باللاجئين السوريين (تويتات من تويتر)

سوريين بيستقوو بمفوضية اللاجئين لأخد امتيازات جديدة من مصر
 (مصدر الصورة صفحة مكتب شئون اللاجئين على فيس بوك)

منظمة تطلب من السوريين يبعتو شكاوى ضد مصر
 (مصدر الصورة صفحة المنظمة على الفيس بوك)

و التاريخ للغفلانين دواير

بقلم :

إفتكار البنداري السيد

(نفرتاري أحمس)
مقالة ليها صلة ..
خطة منظمة العفو الدولية لتوطين اللاجئين في العالم
ليه توطين اللاجئين خطيئة ؟

تصنيف : أخبار الهكسوس,الهكسوس والنظام العالمي الجديد,قرارات عالمية لتوطين الأجانب