يا جيشنا بعد ما نطقت إنه "مصر للمصريين".. يعز عليا أسألك إيه تعريفك للمصريين"؟ ~ كيمة والهكسوس

بقلم: إفتكار السيد (نفرتاري أحمس)

قبل يوم من عيد ثورة 30 يونيو الـ 12، يعني في 29-6- 2025 نزلت القوات المسلحة تويتة للاحتفال بالثورة، كتبت فيها كلمة واحدة، فوق فيديو عن الثورة وهي كلمة "مصر للمصريين"، واللي قالها الرئيس عبد الفتاح السيسي في كلمة ليه في عيد الثورة.

وأنا أول ما شفتها، اتنفست وقلت: ياااااااااه، من سنيييين الواحد ما شافش قواتنا المسلحة بتقول "مصر للمصريين"، وقلتلهم في تعليق على التويتة إنه "غلطة في العضم عملتوها إنكو ساكتين سنين طويلة على تحويل مصر لعقيدة المحتلين اللي هي "مصر للجميع".

وأقصد سكوت الجيش، أو حتى موافقة كتير من المسئولين فيه، على فتح الحدود سداح مداح قصاد ملايين الهكسوس الجداد، يعني من الأفارقة السود والسوريين وغيرهم اللي ضربو البلد زي الطوفان، باسم لاجئين وحالات إنسانية وأشقاء وغيره، خصوصا من سنة 2011.

وكمان سكوته على تفصيل قوانين مخصوصة لعمل امتيازات وحقوق للهكسوس دول، عشان تسهيل أخدهم الجنسية المصرية والأراضي والوظايف والبيوت والمحلات بتاعة المصريين، وأخد فرص أحسن وأسهل من المصريين في التعليم والسكن وغيرها من امتيازات بتفكرنا بقوانين الامتيازات الأجنبية اللي حطت الأجانب فوق المصريين قبل ثورة 1952.

♦ مظاهرة قلوب محروقة قصاد القوات المسلحة

والتويتة دي لقواتنا المسلحة، اللي هي كتبت فيها كلمة "مصر للمصريين" عمل كتير من الناس تحتها تعليقات (رابط التويتة على تويتر وتحتها التعليقات )، وصلت لحد ما كتبت المقالة دي بعد ما نزلت بيوم من 300- 400 ما بين تعليقات تحت التويتة أو فوقيها، وكانت أصحابها أرائهم ما بين:

● ناس فرحانة خالص بإن أخيرا الجيش نطق، ولقينا مؤسسة في الدولة فاكرة عقيدتنا الوطنية الأصلية وهي عقيدة "مصر للمصريين"، وبيكتب الناس دول نفس الشعار ده في تعليقاتهم، كأنهم بيقول للقوات المسلحة امسكي فيه بإيديكي وسنانك، وهو ده مصدر وأساس شرعيتكو عندنا.

● وناس بتعاتب القوات المسلحة، وبتقولها فيما معناه طيب ليه ساكتين على إن مصر بتتملي أغراب ويتحكم فيها الأغراب؟

● وناس خايفة إن كتابة القوات المسلحة لشعارنا العظيم "مصر للمصريين" يكون بس يدوبك شعار بيرضو بيه المصريين، لكن مفيش تطبيق على الأرض.

واللي يخلي ناس تخاف، هو إن كلمة "مصر للمصريين" كتبها المتحدث العسكري في التويتة فوق فيديو فيه كلمة للرئيس عبد الفتاح السيسي، بيقول فيها في ذكرى ثورة 30 يونيو سنة 2022، يعني من 3 سنين إنه: "على مدار هذه الثورة الخالدة كتب المصريون لأنفسهم أن مصر للمصريين ومصيرها لا يقرره سوى أبنائها المخلصين".

لكن في خلال الـ 3 سنين دول، ما وفَّاش الريس بالكلمة، وفتح البلد سداح قصاد ملايين السودانيين دخلو على مصر زي السيول الغزيرة والطوفان بعد ما قامت حرب السودان في 2023، ووافق على تغييرات في قانون الجنسية المصرية سهل أكتر بيعها وتوزيعها على الهكسوس، وغيرها من امتيازات جديدة قدمها ليهم.

فكانت التعليقات دي كأنها مظاهرات قصاد القوات المسلحة، بس على حساباتها على النت، يوصَّل فيه المصريين رأيهم وخوفهم على بلدهم لجيشهم، ما تقلش عن مظاهراتهم اللي طلعو فيها في سنة 2013 يطالبو دولتهم تتدخل وتحرر البلد من عصابة الإخوان المسلمين، اللي معروف إن شعارها هو "مصر للجميع" مش "مصر للمصريين"، وكانت ناوية تسلم البلد برضو للسوري والسوداني واليمني والتركي والماليزي وكل الأجناس، وتخليهم فوق المصريين.

بس دلوقت المصريين مش متحمسين يعملو مظاهرات ينقلو فيها ضيقهم من توطين الهكسوس الجداد في مصر، عشان ظروف البلد، فبيعملوها على النت، ويصرخو بكل حرقة لجيشهم وكل مصري أصيل موجود بين المسئولين، إنه البلد بتضيع وهي بتتسلم للأجانب أرض وتاريخ وحضارة وثروة وبيوت ومحلات ومصانع ومستقبل.

أمثلة من تعليقات الناس تحت تويتة القوات المسلحة عن مصر للمصريين

♦ لو حصل صراع بين المصريين والهكسوس.. الجيش هيقف مع مين؟

أهمية تويتة القوات المسلحة برضو اللي كتبت فيها إنه "مصر للمصريين" إنها جات بعد ما اتسرسب الشك والخوف جوة قلوب ناس كتير مننا، إن جيشنا يكون واقف في صف الهكسوس القدام والجداد ضدنا.

وإنه لو حصل اللي مش بعيد يحصل، وهو صراعات بين المصريين والهكسوس، بعد ما الهكسوس يتمكنو أكتر من البلد، ويستقوو علينا، ويبدأو يضايقونا أكتر ما ضايقونا، ويستخدمو ضدنا العنف زي ما عملو صراعات ومدابح ضد بعض في بلادهم، إنه ما نلاقيش الجيش واقف في صفنا، خصوصا إنه زي ما قلنا إنه الجيش وبقية مؤسسات الدولة اللي واضح قصادنا إنه في السنين اللي فاتت ما عندهومش مشكلة في دخول طوفان من الهكسوس باسم لاجئين وغيره.

♦ إيه معنى المصريين عند القوات المسلحة؟

ولكن.. عشان نطمن أكتر إن القوات المسلحة لسة فيها عقيدة "مصر للمصريين" بحق، مش يدوب شعار بيتكتب محتاجين نعرف إيه مقصود بـ"المصريين" اللي مصر ليهم، في فكر القوات المسلحة الأيام دي؟

يا ترى، هما المصريين الحقيقيين؟ يعني المصريين اللي ما بيقبلوش يتوصفو إلا بإنهم مصريين، ولا بيملى عينهم إلا إنهم يكونو مصريين، ومش بينسبو نفسهم لبلاد أجنبية وقبايل هي فروع لقبايل أجنبية، ولا لتنظيمات كافرة بالحدود والدولة الوطنية؟

ولا المصريين مقصود بيهم المجنسين، سوا من زمن بعيد أو مجنسين جداد، ولسة بيشوفو نفسهم تبع أنساب أجنبية، وبيحطوها فوق النسب المصري، ويشوفو الغريب اللي تبع النسب ده أقرب ليهم من المصريين اللي نسبهم هو مصر وبس.

ولا المصريين مقصود بيهم الهكسوس الجداد؟ زي ما شفنا كتير من وسايل الإعلام والمسئولين بيوصفو الهكسوس الجداد، يعني اللاجئين واللي زيهم، بإنهم مواطنين، وكمان مواطنين درجة أولى، زي ما جه في مانشيت طويل عريض في جرنان الأهرام سنة 2018، اللي كان بيقول: "اللاجئون في مصر مواطنون درجة أولى"، وكأن مصر أصلا المواطنة فيها درجات، أو بيتفشخرو بإنهم بيدو اللاجئين نفس حقوق المصريين، وكأنهم مستكترين على المصريين إنهم يبقو وحدهم اللي مالكين لبلدهم، فجايبين ليهم مطاريد الدنيا والمليشيات والشعوب اللي بتكرههم عشان يشاركوهم فيها.

مستنيين الإجابة من القوات المسلحة، وكل مؤسسات الدولة، عشان نعرف إن كان "مصر للمصريين" عندهم هي نفس المعنى اللي عندنا، يعني المصري اللي ما يملاش عينه غير النسب لمصر وبس، ولا إخوة عنده يحطها فوق الأخوة المصرية، وهو نفس المعنى بتاع أجدادنا اللي بنو عليه حضارة مصر، والدولة الوطنية، والحدود، والشعب الواحد، وتحت شعار العقيدة دي، يعني عقيدة "مصر للمصريين" طردو المحتلين، وعملو ثورات ضدهم، ورفضو التكتلات الأجنبية اللي اتسللت لمصر في أوقات فوضى وغفلة، وفضلت على هوياتها وثقافتها الدخيلة، وكانت عايزة تفرضها على المصريين، وتقسم البلد أعراق وطوايف وتغرقها في صراعات دايمة.

وأخيرا بنقول لقواتنا المسلحة، وكل مؤسسات الدولة، إن كان لسة في دولة، إنه: مصر للمصريين بحق، مش لهكسوس قدام من بداوة وأغوات ومجنسين من أي نوع، اتمصرو بالورقة وقلوبهم في بلاد تانية برة الحدود.

مصر للمصريين مش للهكسوس الجداد اللي فرضتوهم علينا باسم لاجئين وأشقاء وإنسانية، وكأن الإنسانية اتخلقت للأجنبي مش للمصري ابن البلد، وكأنها اتخلقت عشان تسحب مصر من إيد المصري وتسلمها بكل ضمير ميت للأجنبي والمجنسين بالورقة.

ويعز على قلب كل مصري بحق إنه الناس تخاف إن قواتها المسلحة تكون في الناحية التانية مع الهكسوس ضد المصريين.

ونتعشم إن جيشنا يرجع يكون "جيش الفلاحين" اللي يحمي مصر للمصريين، مش جيش المماليك والبداوة والخليط والهجين والبزرميط بتاع مصر للجميع.

وفوتكو بعافية

ومصر للمصريين، المصريين الحقيقيين، مش المستخبيين في الجنسية المصرية، وقلوبهم وعقولهم تبع دول وتنظيمات برانية.

مقالة لإفتكار السيد (نفرتاري أحمس) منشورة على مدونة كيمة والهكسوس بتاريخ 4-7-2025